2040 جىلعا قاراي قازاقستاندا بازالىق زەينەتاقىنىڭ جويىلاتىنى, مەملەكەتتٸڭ زەينەتاقى جاۋاپكەرشٸلٸگٸنەن باس تارتاتىنى تۋرالى اقپارات شىندىققا جاناسپايدى. بۇل تۋرالى بٸرىڭعاي جيناقتاۋشى زەينەتاقى قورىنىڭ باسپاسٶز قىزمەتٸ مەلٸمدەدٸ, دەپ حابارلايدى قازاقپارات تٸلشٸسٸ.
پارلامەنت سەناتى ەلەۋمەتتٸك-مەدەني دامۋ جەنە عىلىم كوميتەتٸنٸڭ كەڭەيتٸلگەن وتىرىسىندا بجزق باسشىسى نۇربٷبٸ ناۋرىزباەۆا ايتقانداي, قازٸرگٸ تاڭدا زەينەتاقى مەملەكەتتٸك بيۋدجەتتەن جەنە ازاماتتاردىڭ جەكە زەينەتاقى جيناعىنان قۇرالادى.
سونداي-اق, «قر زەينەتاقىمەن قامتاماسىز ەتۋ تۋرالى» زاڭىنا سەيكەس, ىنتىماقتى زەينەتاقىنى 1998 جىلدىڭ 1 قاڭتارىنا دەيٸن 6 ايلىق ەڭبەك ٶتٸلٸ بار ادامدار الادى. اتالعان مەرزٸمگە دەيٸن ەڭبەك ٶتٸلٸ جوق كٸسٸلەر بازالىق زەينەتاقى مەن قورداعى جەكە ەسەپشوتىندا جينالعان قاراجاتى ەسەبٸنەن زەينەتكە شىعادى.
«سونىمەن قاتار, بجزق باسشىسى زەينەتاقى كاپيتالىن قۇرۋدىڭ قاجەتتٸگٸ مەن زەينەتاقى تٶلەمٸن جٷيەلٸ جٷرگٸزۋدٸڭ ماڭىزدىلىعىن باسا ايتتى. الايدا, بازالىق كومپونەنتتٸڭ الىنىپ تاستالاتىنى تۋرالى سٶز بولعان جوق. سونداي-اق, 2018 جىلدىڭ 1 شٸلدەسٸنەن بيۋدجەت ەسەبٸنەن تاعايىندالعان بازالىق زەينەتاقى مٶلشەرٸ ازاماتتاردىڭ جۇمىس ٶتٸلٸ مەن زەينەتاقى جيناعىنا قاتىسقان ۋاقىتىمەن تىعىز بايلانىستى ەكەنٸن دە اتاپ ٶتكەن بولاتىن» دەلٸنگەن بجزق تاراتقان حابارلامادا.
بۇدان ٶزگە, مەملەكەت بجزق سالىمشىلارىنىڭ ەسەپشوتىنداعى مٸندەتتٸ زەينەتاقى تٶلەمدەرٸنٸڭ ساقتالۋىنا كەپٸلدٸك بەرەدٸ.
«سوندىقتان, باق بەتٸندە جارييالانعان بجزق تٶراعاسىنىڭ بازالىق زەينەتاقىنىڭ جويىلاتىنى مەن مەملەكەت مۇنى ٶز جاۋاپكەرشٸلٸگٸنە المايتىنى تۋرالى پٸكٸر شىندىققا جاناسپايدى» دەپ حابارلادى بجزق باسپاسٶز قىزمەتٸ.
