قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا «بيزنەستٸڭ جول كارتاسى – 2020» مەملەكەتتٸك باعدارلاماسىن ٸسكە اسىرۋ قورىتىندىلارى جەنە «بيزنەستٸڭ جول كارتاسى – 2025» باعدارلاماسىنا ۇسىنىلاتىن شارالار قارالدى.
قر ۇلتتىق ەكونوميكا مينيسترٸ ر. دەلەنوۆتىڭ ايتۋىنشا, جول كارتاسىنىڭ ەكٸنشٸ بەسجىلدىعىن ٸسكە اسىرۋ جىلدارى ناقتى نەتيجەلەرگە قول جەتكٸزٸلدٸ. وسى جىلى قابىلدانعان شارالاردىڭ نەگٸزٸندە قازاقستان دٷنيەجٷزٸلٸك بانكتٸڭ «Doing Business» رەيتينگٸسٸندە 25-ورىنعا يە بولدى. بۇل رەيتينگ بويىنشا ەلٸمٸز 2015 جىلمەن سالىستىرعاندا 16 پوزيتسيياعا كٶتەرٸلدٸ. جالپى ٸشكٸ ٶنٸمدەگٸ شاعىن جەنە ورتا بيزنەستٸڭ ٷلەسٸ 28,4%-كە دەيٸن ارتتى.
«2015 جىلمەن سالىستىرعاندا شاعىن جەنە ورتا بيزنەس سۋبەكتٸلەرٸنٸڭ سانى 400 مىڭعا ۇلعايىپ, 1,3 ملن قۇرادى. سونداي-اق, شوب جۇمىسپەن قامتىلعانداردىڭ سانى 300 مىڭعا ٶسٸپ, 3,3 ملن ادامدى قۇرادى», — دەدٸ قر ۇلتتىق ەكونوميكا مينيسترٸ.
ر. دەلەنوۆتىڭ ايتۋىنشا, باعدارلاما اياسىندا كەسٸپكەرلەرگە تيٸستٸ قولداۋ شارالارى كٶرسەتٸلەدٸ. ولاردىڭ قاتارىندا پايىزدىق مٶلشەرلەمەنٸ سۋبسيدييالاۋ, نەسيەلەرگە كەپٸلدٸك بەرۋ, مەملەكەتتٸك گرانتتار ۇسىنۋ, كەسٸپكەرلەردٸ وقىتۋ, ينفراقۇرىلىم جٷرگٸزۋ بار.
باعدارلامانى ٸسكە اسىرۋ ٷشٸن بيۋدجەتتەن 282 ملرد تەڭگە بٶلٸندٸ.
«سونىڭ نەتيجەسٸندە 16 مىڭنان استام شاعىن جەنە ورتا بيزنەس سۋبەكتٸلەرٸ قارجىلاندىرىلدى, 100 مىڭنان استام كەسٸپكەر وقىتىلدى, 15,5 ترلن تەڭگەگە ٶنٸم ٶندٸرٸلدٸ, 1 ترلن تەڭگە شاماسىندا سالىق تٶلەندٸ», — دەدٸ ر. دەلەنوۆ.
بۇعان قوسا, باعدارلاما بيزنەستٸ دامىتۋعا مٷمكٸندٸك بەرەدٸ. باعدارلاما قاتىسۋشىلارى 7,1%-بەن نەسيە الا الادى. نەسيەنٸڭ ماكسيمالدى قولجەتٸمدٸ سوماسى — 2,5 ملرد تەڭگە. 60 ملن تەڭگەگە دەيٸن كەپٸلدٸك بەرٸلەدٸ, سونىمەن قاتار 3 ملن تەڭگەگە دەيٸن ٶتەۋسٸز گرانت ۇسىنىلادى.
ازاماتتاردى بيزنەس نەگٸزدەرٸنە وقىتۋ شارالارى قاراستىرىلعان. باعدارلاما شەڭبەرٸندە كونسۋلتاتسييالار الۋعا بولادى. بۇدان ٶزگە, وقىتۋ مەن تاعىلىمدامادان ٶتۋ قاراستىرىلعان.
«باعدارلامانىڭ وسى ەكٸنشٸ بەسجىلدىعىن ٸسكە اسىرۋ جىلدارىندا 120 مىڭعا جۋىق كەسٸپكەر مەملەكەتتٸك قولداۋ الدى. 9 مىڭنان استام كەسٸپكەردٸڭ نەسيەلەرٸ سۋبسيدييالاندى, 5 مىڭنان استام كەسٸپكەرگە كەپٸلدٸك ۇسىنىلدى جەنە 100 مىڭنان استام ازامات بيزنەستٸ جٷرگٸزۋ بويىنشا جەنە كەسٸپكەرلٸك نەگٸزدەرٸنە وقىتىلدى, 2 مىڭعا جۋىق گرانت بەرٸلدٸ, 165 جوباعا ينفراقۇرىلىم جٷرگٸزٸلدٸ», — دەدٸ ر. دەلەنوۆ.
«بيزنەستٸڭ جول كارتاسى – 2020» شارالارى وسى جىلى اياقتالادى. سوندىقتان باعدارلامانىڭ جاڭا جوباسى ەزٸرلەندٸ.
قر ۇلتتىق ەكونوميكا مينيسترٸنٸڭ ايتۋىنشا, جوبادا ماقساتتار مەن مٸندەتتەر ساقتالعان, قولداۋ قۇرالدارى جەتٸلدٸرٸلگەن. ولاردىڭ تيٸمدٸلٸگٸ مەن قولجەتٸمدٸلٸگٸ ارتتى.
-
اينالىم قاراجاتىن نەسيەلەۋ كٶلەمٸ 60-تان 360 ملن تەڭگەگە دەيٸن ۇلعايادى.
-
قارجىلاندىرۋدىڭ قولجەتٸمدٸلٸگٸ ارتتىرىلۋدا. بۇل ٷشٸن ميكروقارجى ۇيىمداردىڭ نەسيەلەرٸن سۋبسيدييالاۋ جەنە كەپٸلدەندٸرۋ ەنگٸزٸلەدٸ.
-
باعدارلاما قاتىسۋشىلارىنا جۇمىسپەن قامتۋ جەنە سالىق تٷسٸمدەرٸن ارتتىرۋ تالابى جەتٸلدٸرٸلدٸ.
-
كەسٸپكەرلەردٸ ەر ساتىدا سٷيەمەلدەۋ كٷشەيتٸلەدٸ. بۇل — وقىتۋ, نەسيە جەنە قولداۋ الۋ ٷشٸن تيٸستٸ قۇجاتتاردى دايىنداۋ جەنە تاۋارلاردى ٶتكٸزۋ جولدارىن ۇيىمداستىرۋ.
ر. دەلەنوۆتىڭ ايتۋىنشا, باعدارلامانىڭ كەلەسٸ كەزەڭٸنە 421 ملرد تەڭگە قاراستىرىلعان. قارجىلاندىرۋ ٶتكەن بەس جىلدىق كەزەڭگە قاراعاندا بٸر جارىم ەسەگە ۇلعايادى.
«بيزنەستٸڭ جول كارتاسى – 2025» باعدارلاماسىندا نىسانالى ينديكاتورلار كٶزدەلگەن. ولار ەلٸمٸزدٸڭ 2025 جىلعا دەيٸنگٸ ستراتەگييالىق دامۋ جوسپارىنا سەيكەس كەلەدٸ. جالپى ٸشكٸ ٶنٸمدەگٸ شاعىن جەنە ورتا بيزنەستٸڭ ٷلەسٸن كەم دەگەندە 35%-عا, ٶڭدەۋشٸ ٶنەركەسٸپتٸڭ ٷلەسٸن كەمٸندە 13,4%-عا جەتكٸزۋ كٶزدەلگەن», — دەدٸ قر ۇلتتىق ەكونوميكا مينيسترٸ.
ايتا كەتەيٸك, شاعىن جەنە ورتا بيزنەستٸڭ ٷدەمەلٸ دامۋى ەكونوميكانىڭ ساپالى ٶزگەرۋٸنە ىقپال ەتەدٸ. بيزنەستٸ جٷرگٸزۋ شارتتارى تٷبەگەيلٸ جاقسارادى. كەدەرگٸلەر تٶمەندەتٸلەدٸ جەنە رۇقسات بەرۋ قۇجاتتارىنىڭ تٸزبەسٸ قىسقارادى. شاعىن جەنە ورتا بيزنەستٸ دامىتۋ ٷشٸن ىنتالاندىرۋ شارالارى قابىلدانۋدا.
«بٸزدٸڭ مٸندەتٸمٸز – ٸسكەرلٸك ورتانى جەتٸلدٸرۋ, بۇل ەكونوميكانىڭ ٶسۋٸنە ىقپال ەتەدٸ. 2025 جىلى ەكونوميكانىڭ ٷشتەن بٸرٸنەن استامى شاعىن جەنە ورتا بيزنەسكە تيەسٸلٸ بولادى. ال 2050 جىلعا قاراي شاعىن جەنە ورتا بيزنەس جالپى ٸشكٸ ٶنٸمٸنٸڭ جارتىسىن قۇرايدى», — دەپ تٷيٸندەدٸ ر. دەلەنوۆ.
ٶز كەزەگٸندە «اتامەكەن» ۇكپ باسقارما تٶراعاسى ا. مىرزاحمەتوۆ بيزنەستٸ جٷرگٸزۋ نەگٸزدەرٸن وقىتۋ جەنە كەسٸپكەرلەرگە كەڭەستەر بەرۋ بويىنشا جٷرگٸزٸلٸپ جاتقان جۇمىستار تۋرالى باياندادى. ونىڭ ايتۋىنشا, قولدانىستاعى بيزنەستٸ جٷرگٸزۋگە سەرۆيستٸك قولداۋ 200 مىڭنان استام كەسٸپكەرلٸك سۋبەكتٸلەرٸنە كٶرسەتٸلدٸ, مونوقالالاردا, شاعىن قالالاردا جەنە اۋدان ورتالىقتارىندا 500 مىڭنان استام كەسٸپكەرگە اقپاراتتىق قولداۋ كٶرسەتٸلدٸ.
«96 مىڭنان استام كەسٸپكەر “بيزنەس-مەكتەپ” كومپونەنتتەرٸ بويىنشا ترەنينگتەردەن ٶتتٸ, 2 مىڭنان استام بيزنەس سۋبەكتٸلەرٸ “ٸسكەرلٸك قاتىناستار” بويىنشا ٶتتٸ, 174 كەسٸپكەر گەرمانييادا ٸسكەرلٸك تاعىلىمدامادان ٶتتٸ. “اعا سەنورلار” قۇرالى اياسىندا 215 ساراپشىلىق ميسسييا ۇيىمداستىرىلدى. 26 984 كەسٸپورىن اشىلدى, 19 553 رۇقسات قۇجاتى دايىندالدى, 649 ملرد تەڭگە سوماسىنا قارجىلاندىرۋعا كٶمەك كٶرسەتٸلدٸ. كەسٸپكەرلەردٸڭ 45 500 جوباسى سٷيەمەلدەنٸپ, 2 ملن ەۋرو سوماسىنا 24 كەلٸسٸمشارتقا قول قويىلدى (94 كومپانييا). 2015 جىلدان باستاپ 2019 جىلدىڭ ٸ توقسانىنا دەيٸن 97 147 كەسٸپكەر بيۋدجەتكە 811 ملرد تەڭگە كٶلەمٸندە سالىق تٶلەدٸ», — دەدٸ ا. مىرزاحمەتوۆ.
