وبلىس ەكٸمٸنٸڭ ورىنباسارى باتىرجان بايجۇمانوۆ, قر سىبايلاس جەمقورلىققا قارسى ٸس-قيمىل اگەنتتٸگٸ وبلىس بويىنشا دەپارتامەنتٸنٸڭ باسشىسى ەرنار ماقاجانوۆ تالدىقورعان قالاسىنداعى دەرٸ-دەرمەك قويمالارىنا باردى. وندا قاجەتتٸ دەرٸنٸڭ بار-جوعى, شەتەلدەن, الماتى قالاسىنان كەلۋٸ, اۋرۋحانا, ەمحانا مەن دەرٸحانالارعا جەتكٸزٸلۋٸن قاداعالادى.
بٸرٸنشٸ كەزەكتە «مەدسەرۆيس پليۋس» قازاق فارماتسەۆتيكالىق كومپانيياسى” جشس تالدىقورعان قالاسىنداعى فيليالىنىڭ قويماسىنا باس سۇقتى. فيليال ديرەكتورى قادىربەك كٷدەرين دەرٸلەر كەستە بويىنشا الماتى قالاسىنداعى ورتالىق قويمادان اپتاسىنا بٸر رەت كەلەتٸنٸن ايتتى.
– جەتكٸزٸلەتٸن دەرٸنٸڭ كٶلەمٸ ەرتٷرلٸ, كەيدە از, كەيدە كٶپ. دەرٸحانالاردىڭ بەرگەن تاپسىرىسىنا بايلانىستى. ولار بٸز سەكٸلدٸ كٶپتەگەن كومپانييامەن جۇمىس ٸستەيدٸ. تالدىقورعان ايماعى بويىنشا 130 دەرٸحانامەن كەلٸسٸمشارتقا وتىرعانبىز. ەلەمدٸ جايلاعان ٸندەتكە بايلانىستى دەل قازٸر سۇرانىسقا يە اسپيرين, پاراتسەتامول, تسيترامون سەكٸلدٸ دەرٸلەر جەتٸسپەيدٸ, – دەگەن قادىربەك ازبايۇلى ۆيرۋسقا قارسى دەرٸلەرگە تاپسىرىس كٶپ بولىپ جاتقانىن جەتكٸزدٸ. سوندىقتان قويما سٶرەسٸنە تٷسكەن اتالمىش دەرٸلەر بٸردەن دەرٸحانالارعا جٸبەرٸلەدٸ.
سۇرانىسقا يە دەرٸلەردٸ «سق-فارماتسييا» جشس-نىڭ وبلىستىق فيليال قويماسىنان كەزٸكتٸردٸك. ولاردى بٸز بارعان كەزدە جٷك كٶلٸگٸنەن تٷسٸرٸپ جاتتى. ەسكەرەتٸن بٸر جايت, ۆيرۋسقا قارسى دەرٸ-دەرمەك, اسكوربين قىشقىلى جەنە بەتپەردە, قولعاپ سەكٸلدٸ قۇرالداردىڭ بارلىعى تەك وبلىستىق, اۋداندىق, قالالىق اۋرۋحانا مەن ەمحانالارعا جەتكٸزٸلەدٸ. «سق-فارماتسييا» جشس ارقىلى ەلٸمٸزگە كٶرسەتٸلگەن گۋمانيتارلىق كٶمەكتەر دە تالدىقورعان قالاسىنىڭ بٶلەك قويماسىنا كەلٸپ جاتىر. قىتاي, بٸرٸككەن اراب ەمٸرلٸكتەرٸ, كاتار, تٷركييا سەكٸلدٸ ەلدەردەن جەكە قورعانىش قۇرالدارى: كوستيۋمدەر, كٶزەينەكتەر, مەديتسينالىق بەتپەردەلەر, باحيلدار قويماعا تٷستٸ. ولار جاقىن ارادا مەديتسينالىق ۇيىمدارعا تاراتىلادى.
ايماقتاعى مەديتسينالىق مەكەمەلەردٸڭ دەرٸ-دەرمەكپەن قامتىلۋىن سٶز ەتكەن باتىرجان قۇلايمەرگەنۇلى:
– وبلىستاعى اۋرۋحانا مەن ەمحانالاردى دەرٸ-دەرمەكپەن قامتاماسىز ەتۋ ٷشٸن وبلىس ەكٸمٸنٸڭ شەشٸمٸ بويىنشا جەرگٸلٸكتٸ بيۋدجەتتەن 500 ميلليون تەڭگە بٶلٸندٸ. سونىمەن قاتار 50 ميلليون تەڭگەگە ۆيرۋسقا قارسى پرەپاراتتار ساتىپ الۋ جوسپارلانىپ وتىر. بۇل پرەپاراتتار قاۋٸپ-قاتەر توبىنداعى ازاماتتارعا, اتاپ ايتقاندا ەگدە جاستاعىلار, سوزىلمالى اۋرۋلارى بارلار جەنە باسقا دا ساناتتاعى ازاماتتارعا تەگٸن بەرٸلەتٸن بولادى, – دەدٸ.
ال قر سىبايلاس جەمقورلىققا قارسى ٸس-قيمىل اگەنتتٸگٸ وبلىس بويىنشا دەپارتامەنتٸنٸڭ باسشىسى ەرنار ماقاجانوۆ:
– 11 شٸلدەدەن باستاپ مونيتورينگتٸك توپپەن بٸرگە وبلىستاعى 146 دەرٸحاناعا تەكسەرٸس جٷرگٸزدٸك. ولاردىڭ التاۋى ەكٸمشٸلٸك جاۋاپكەرشٸلٸككە تارتىلدى. دەرٸنٸ ٶز باعاسىنان قىمبات ساتۋ سەكٸلدٸ زاڭبۇزۋشىلىق انىقتالاتىن بولسا, ەكٸمشٸلٸك جاۋاپكەرشٸلٸكپەن بٸرگە ليتسەنزيياسىن قايتارۋعا دەيٸن بارامىز, – دەپ تالدىقورعان قالاسىندا زاڭ بۇزۋ دەرەگٸ انىقتالماعانىن ايتتى.
وبلىس ەكٸمدٸگٸ, وبلىستىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ جەنە «قر فارماتسەۆتيكالىق قىزمەتتٸ قولداۋ جەنە دامىتۋ اسسوتسياتسيياسى» زاڭدى تۇلعالاردىڭ بٸرلەستٸگٸنٸڭ وبلىستىق فيليالىمەن بٸرلەسكەن مەموراندۋمعا سەيكەس مونيتورينگتٸك توپ قۇرىلعان بولاتىن. مونيتورينگتٸك توپ قويماعا كەلگەن دەرٸلەردٸڭ قاجەتتٸ جەرگە جەتكٸزٸلۋٸ, باعاسى, دەرٸحانادا جەتٸسپەۋشٸلٸگٸن ەردايىم باقىلاۋدا ۇستايدى. سونىمەن بٸرگە زاڭبۇزۋشىلىقتىڭ ورىن الماۋىن قاداعالايدى.
وسى ۋاقىتقا دەيٸن وبلىستىڭ اۋدان, قالالارىنداعى دەرٸحانالاردا دەرٸ-دەرمەكتەردٸڭ بار-جوعى جەنە ولاردىڭ باعاسىنا تەكسەرٸس جۇمىسى جٷرگٸزٸلدٸ. ايتالىق, پانفيلوۆ, كٶكسۋ, قاراساي, ەڭبەكشٸقازاق, سارقان, بالقاش, قاراتال, جامبىل اۋداندارى مەن تالدىقورعان قالاسىندا ٶتكەن تەكسەرٸس كەزٸندە مەموراندۋم قوسىمشالارىنىڭ تٸزٸمٸندە كٶرسەتٸلگەن دەرٸلەرگە باعانى كٶتەرۋ دەرەگٸ تٸركەلمەگەن. تەك دەرٸنٸ قىمبات ساتقان ٸلە اۋدانىندا 2 دەرٸحانا, ۇيعىر, تالعار, كەربۇلاق اۋداندارى مەن قاپشاعاي قالاسىندا 1 دەرٸحانادان انىقتالىپ, بارلىعى ەكٸمشٸلٸك جاۋاپكەرشٸلٸككە تارتىلدى. تەكسەرٸس جۇمىستارى جاعداي تۇراقتانعانعا دەيٸن جالعاسادى.
مەۋلەن ەنەرباي,
"جەتٸسۋ" گازەتٸ
