بٷگٸن پارلامەنت سەناتىنىڭ جالپى وتىرىسىندا پالاتا دەپۋتاتتارى «2021 – 2023 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تالقىلادى. قۇجاتقا تولىقتىرۋلار ەنگٸزٸلگەندٸكتەن, زاڭ جوباسى مەجٸلٸسكە قايتارىلدى, دەپ حابارلايدى "ۇلت اقپارات".
دەپۋتات نۇرلان قىلىشباەۆ رەسپۋبليكالىق بيۋدجەت جوباسى ٶزٸنٸڭ ەلەۋمەتتٸك باعىتىن ساقتاي وتىرىپ, مەملەكەت باسشىسى قويعان مٸندەتتەرگە سەيكەس كەلەتٸنٸن اتاپ ٶتتٸ. الايدا زاڭ جوباسىن تالقىلاۋ بارىسىندا سەناتتىڭ كوميتەتتەرٸ مەن دەپۋتاتتارىنان مەملەكەتتٸڭ تىنىس-تٸرشٸلٸگٸنٸڭ تٷرلٸ سالالارىنا قاتىستى ٶزگەرٸستەر مەن تولىقتىرۋلار بويىنشا ۇسىنىستار كەلٸپ تٷستٸ.
«ٷش جىلدىق كەزەڭگە 20 ملرد تەڭگەگە ۇسىنىستار قولداۋ تاپتى, ونىڭ ٸشٸندە 2021 جىلعا 15 ملرد تەڭگە», - دەپ ناقتىلادى سەناتور.
شىعىستاردى قايتا بٶلۋ نەگٸزٸندە قوسىمشا قارجىلاندىرۋ كەلەسٸ باعىتتار بويىنشا جٷزەگە اسىرىلادى:
- گازداندىرۋعا جالپى سوماسى 2,7 ملرد تەڭگە, ونىڭ ٸشٸندە 2021 جىلعا – 2,1 ملرد تەڭگە;
- تۇرعىن ٷي سالۋ جەنە قايتا جابدىقتاۋعا جالپى سوماسى 6 ملرد تەڭگە, ونىڭ ٸشٸندە 2021 جىلعا – 4 ملرد تەڭگە,
- ينفراقۇرىلىمدىق جەنە ٶزگە دە جوبالار 6,7 ملرد تەڭگە, ونىڭ ٸشٸندە 2021 جىلعا - 4,6 ملرد تەڭگە.
2021-2023 جىلدارعا ارنالعان رەسپۋبليكالىق بيۋدجەت: قاراجاتتىڭ جارتىسىنان استامى ەلەۋمەتتٸك سالاعا جۇمسالادى.⠀
سەنات تٶراعاسى مەۋلەن ەشٸمباەۆ سىرتقى نارىقتاعى كٷردەلٸ جاعدايعا بايلانىستى داعدارىسقا قارسى كەشەندٸ ٸس-شارالاردى قارجىلاندىرۋ جالعاسا بەرەتٸنٸن اتاپ ٶتتٸ. بيۋدجەتتٸ قاراۋ بارىسىندا الداعى ٷش جىلدا ازاماتتاردىڭ ەلەۋمەتتٸك مەسەلەلەرٸن شەشۋگە باسىمدىق بەرٸلدٸ. سوعان سەيكەس 2021 جىلى بيۋدجەت شىعىندارىنىڭ 50 پايىزدان استامى ەلەۋمەتتٸك سالاعا جۇمسالادى. ⠀
سونىمەن قاتار ول ەكونوميكاداعى قيىندىقتارعا قاراماستان, پرەزيدەنتتٸڭ تاپسىرماسى بويىنشا بيۋدجەتتە بارلىق ەلەۋمەتتٸك مٸندەتتەردٸ ورىنداۋعا كەرەكتٸ قارجى قاراستىرىلعانىن جەتكٸزدٸ. بۇل قاراجات ەلەۋمەتتٸك تٶلەمدەردٸ يندەكساتسييالاۋعا, مۇعالٸمدەر مەن دەرٸگەرلەردٸڭ جالاقىلارىن كٶبەيتۋگە جەنە حالىققا مەديتسينالىق قىزمەت كٶرسەتۋگە باعىتتالادى.
«ەلٸمٸز ٷشٸن اسا ماڭىزدى بولىپ سانالاتىن – ينفراقۇرىلىمدى دامىتۋ, ورتالىق جەنە سولتٷستٸك ٶڭٸرلەردٸ گازداندىرۋ, اۋىز سۋمەن قامتاماسىز ەتۋ مەسەلەلەرٸ دە نازاردان تىس قالعان جوق. مەملەكەت باسشىسىنىڭ تاپسىرماسىنا سەيكەس, ايتارلىقتاي قارجى شاعىن جەنە ورتا بيزنەستٸ قولداۋعا ەرٸ ەلەۋمەتتٸك از قامتىلعان ازاماتتارعا ارنالعان باسپانا قۇرىلىسىنا بٶلٸنەدٸ», – دەدٸ سەنات تٶراعاسى.
