بۇۇ ۋكراينانىڭ شىعىسىنداعى رەسەيگە ارقا سٷيەيتٸن سەپاراتيستەردٸڭ باقىلاۋىنداعى اۋماقتا قاماۋدا ۇستاپ وتىرعان تۇتقىنداردى ازاپتاۋ مەن ولارعا قاتىگەزدٸك كٶرسەتۋ – كٷن سايىن بولاتىن قۇبىلىسقا اينالعان دەگەن اقپار تاراتتى. 9 شٸلدەدە بۇۇ-ىڭ ادام قۇقىقتارى جٶنٸندەگٸ جوعارعى كوميسسارىنىڭ ورىنباسارى نادا ەل-ناشيف دونەتسكٸدەگٸ "يزولياتسييا" تٷرمەسٸندە جەنە ۋكراينانىڭ شىعىسىنداعى سەپاراتيستەر باسقاراتىن بٶلٸكتەردەگٸ ٶزگە دە قاماۋ ورىندارىندا ادام قۇقىقتارى "ٶرەسكەل اياققا تاپتالاتىنىن" مەلٸمدەدٸ.
جەنەۆادا ورنالاسقان بۇۇ-نىڭ ادام قۇقىقتارى جٶنٸندەگٸ كەڭەسٸنٸڭ وتىرىسىندا ناشيف ۋكراينانىڭ شىعىسىنداعى ادامداردى تۇتقىنداۋ, ازاپتاۋ جەنە ولارعا قاتىگەزدٸكپەن قاراۋ, سونىمەن بٸرگە قىرىمداعى ادام قۇقىقتارى احۋالى تۋرالى بايانداماسىن وقىعان ەدٸ. ول ۋكراينانىڭ شىعىسىندا زاڭ بۇزۋ "كٷن سايىن جەنە جٷيەلٸ تٷردە جالعاسىپ كەلە جاتقانىن" ايتتى.
ادام قۇقىقتارى جٶنٸندەگٸ جوعارعى كوميسساردىڭ ورىنباسارى ۋكراينانىڭ شىعىسىندا قاقتىعىس باستالعاننان بەرٸ قاماۋ الىنعان شامامەن 4000 تۇتقىننىڭ ٷكٸمەت كٷشتەرٸنٸڭ باقىلاۋىنداعى تەرريتورييادا دا, سەپاراتيستەر باسقاراتىن اۋماقتا دا تۇتقىندار ازاپتالاتىنى نەمەسە ولارعا قاتىگەزدٸك تانىتاتىنى جايلى ايتتى.
ناشيف قاقتىعىستىڭ العاشقى كەزەڭٸندە قولعا تٷسكەن ازاماتتاردىڭ ازاپتاۋ مەن قاتىگەزدٸكتەن كٶز اشپاعانىنا, ۋاقىت ٶتە كەلە, ەسٸرەسە ٷكٸمەت باقىلاۋىنداعى ايماقتاردا مۇنداي جايتتاردىڭ ازايعانىنا نازار اۋداردى. ٷكٸمەت باقىلاۋىنداعى ايماقتاردا "2016 جىلدىڭ اياعىنان باستاپ قاقتىعىس سەبەبٸنەن زاڭسىز تۇتقىندالعانداردى ۇزاعىراق, بٸرنەشە كٷننەن استام قاماۋدا ۇستاۋ جايتتارى ايتارلىقتاي ازايدى" دەدٸ ول.
بٸراق رەسەيشٸل سەپاراتيستەر باقىلاۋىنداعى اۋماقتا "باسىم كٶپشٸلٸگٸ" قاقتىعىستارعا بايلانىستى ۇستالعان تۇتقىنداردى زاڭسىز قاماۋدا ۇستاۋ ەلٸ دە جالعاسىپ وتىر" دەدٸ بايانداماشى.
بۇعان قوسا ناشيف رەسەيدٸڭ قىرىمدا ادام قۇقىقتارى تۋرالى حالىقارالىق زاڭدار مەن حالىقارالىق گۋمانيتارلىق زاڭداردىڭ ەرەجەلەرٸن ٷنەمٸ بۇزىپ وتىرعانىن ايتتى.
