عالىمدار 2010-2019 جىل ارالىعىنداعى ورتاشا تەمپەراتۋرا باقىلاۋ ەنگٸزٸلگەلٸ بەرگٸ ەڭ ىستىق كەزەڭ بولاتىندىعىنا ەش شٷبە كەلتٸرمەي وتىر, دەپ حابارلايدى ۆۆس.
مادريدتە ٶتٸپ جاتقان كليمات بويىنشا سامميتتەگٸ دٷنيەجٷزٸلٸك مەتەرولوگييالىق ۇيىمنىڭ الدىن الا دەرەكتەرٸنە قاراعاندا, 2019 جىل - عالامشاردا تەمپەراتۋرانى ٶلشەۋ قولعا الىنعالى بەرگٸ ەڭ ىستىق بولعان ەكٸ نەمەسە ٷشٸنشٸ جىلدىڭ بٸرٸ.
ەگەر وسى ٷردٸس جالعاسا بەرسە, 2015-2019 جىلدار ەڭ ىستىق بەسجىلدىققا اينالماق.
بۇل - اتموسفەراعا پارنيكتٸك گازدىڭ ۇدايى جيناقتالۋىنىڭ سالدارى.
بۇل تۋرالى ۇيىمنىڭ جاھاندىق جىلىمىق بويىنشا 2019 جىلدىڭ قازان ايىنا دەيٸنگٸ ەسەبٸندە ايتىلدى. اتالمىش كەزەڭدە ورتاشا تەمپەراتۋرا 1850 جىلمەن سالىستىرعاندا 1,1 گرادۋسقا جوعارىلاعان.
