سوڭعى 20 جىلدا ەسكەر جەنە ٷكٸمەتتٸك ەمەس قارۋلى كٷشتەردەن 170 مىڭنان استام بالا بوساتىلدى, دەپ حابارلايدى قازاقپارات بۇۇ-نىڭ جاڭالىقتار سايتىنا سٸلتەمە جاساپ.
مۇنداي نەتيجەگە بالالاردىڭ جانجالدارعا قاتىسۋىنا بايلانىستى بالانىڭ قۇقىقتارى تۋرالى كونۆەنتسييانىڭ فاكۋلتاتيۆتٸك حاتتاماسىنىڭ كٶمەگٸ زور بولدى. الايدا ەلٸ كٷنگە دەيٸن كەمەلەتتٸك جاسقا تولماعاندار مەن جاس بالالار ەسكەرگە الىنىپ, بارلاۋشى جەنە سەكسۋالدى قۇل رەتٸندە پايدالانىلىپ كەلەدٸ.
«172 مەملەكەت راتيفيكاتسييالاعان فاكۋلتاتيۆتٸك حاتتاما – سوعىستا بالالارعا ورىن جوقتىعى تۋرالى جاھاندىق بەتۋالاستىق. بۇل ەلدەر 18 جاسقا تولماعانداردى ەسكەري ەرەكەتتەرگە قاتىستىرماۋعا ۋەدە بەرگەن», - دەلٸنگەن باس حاتشىنىڭ بالالار جەنە قارۋلى قاقتىعىس جٶنٸندەگٸ ارنايى ٶكٸلٸ مەن ادام قۇقىقتارى جٶنٸندەگٸ كوميتەت مٷشەلەرٸنٸڭ بايانداماسىندا.
الايدا بالالار ەلٸ كٷنگە دەيٸن سوعىسقا قاتىسىپ كەلەدٸ. 2005 جىلدان باستاپ بالالار قۇقىقتارىنىڭ بۇزىلۋ فاكتٸلەرٸنٸڭ ٷشتەن بٸرٸ ولاردىڭ ەسكەرگە ەكەتٸلۋٸ مەن سەكسۋالدى قۇل, جانسىز جەنە ٷي قىزمەتشٸسٸ رەتٸندە پايدالانىلۋى بولىپ وتىر. 2005 جىلدان باستان سوعىس ەرەكەتتەرٸنە 93 مىڭ بالا قاتىسقان.
«بٷگٸن فاكۋلتاتيۆتٸك حاتتامانىڭ كٷشٸنە ەنگەنٸنە 20 جىل تولىپ وتىر. سوعان بايلانىستى وسى قۇجاتتى قابىلداماعان ەلدەردٸ ونى بەكٸتۋگە, بالالاردى قارۋلى كٷشتەرگە تارتۋدى توقتاتۋعا شاقىرامىز. سونىمەن قاتار اتالعان ەرەكەتتەر ٷشٸن قىلمىستىق جاۋاپكەرشٸلٸك ەنگٸزۋدٸ ۇسىنامىز», - دەلٸنگەن حاتتامادا. ونىڭ اۆتورلارى حاتتامانى بەكٸتكەن ەلدەردٸ ونداعى مٸندەتتەردٸ ورىنداۋعا شاقىردى.
