قازاقستاننىڭ ۋەكٸلەتتٸ ورگاندارى جەتەكشٸلەرٸ يزرايل مەن ەستونييانىڭ حالىقارالىق ساراپشىلارى جەنە بۇۇ-نىڭ جەتەكشٸ ماماندارىمەن بٸرلەسٸپ, ەلەكتروندىق ٷكٸمەتتٸ دامىتۋداعى زاماناۋي يننوۆاتسييالىق شەشٸمدەردٸ تالقىلادى. حالىقارالىق كونفەرەنتسيياعا ەۋروپا, ازييا جەنە امەريكانىڭ 20 ەلٸنەن مەملەكەتتٸك ورگاندار مەن ەلەكتروندىق ٷكٸمەتتٸ دامىتۋ سالاسىنداعى جەنە حالىقارالىق ۇيىمداردىڭ, سونداي-اق ۋنيۆەرسيتەتتەردٸڭ 100-دەن استام ٶكٸلدەرٸ قاتىستى, دەپ حابارلايدى "ۇلت اقپارات".
قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين كونفەرەنتسييانى اشا وتىرىپ: «پاندەمييا مەملەكەتتٸك جەنە ەلەۋمەتتٸك قىزمەتتەردٸ ۇسىنۋدىڭ دەستٷرلٸ تەسٸلدەرٸنٸڭ ەلسٸز جاقتارىن ايقىنداپ قانا قويماي, كٶپتەگەن سىن-قاتەرلەرگە جاۋاپ بەرۋدە تسيفرلىق تەحنولوگييالار ماڭىزدىلىعىن كٶرسەتتٸ» - دەپ اتاپ ٶتتٸ. «بۇۇ زەرتتەۋ نەتيجەلەرٸ تسيفرلىق ترانسفورماتسييا جولىندا مەملەكەتتەر ايتارلىقتاي ٸلگەرٸلۋگە قول جەتكٸزگەنٸن جەنە العا قادام جاساعانىن كٶرسەتەدٸ. Covid-19 پاندەميياسى جاھاندىق ٶرشۋٸ اۋقىمىندا مەملەكەتتەر اراسىنداعى ٶزارا تيٸمدٸ ەرەكەتتەسۋ ەرەكشە مەنگە يە» - دەدٸ.
استانا مەملەكەتتٸك قىزمەت حابى باسقارۋشى كوميتەتٸ تٶراعاسى ەليحان بايمەنوۆ: «Covid-19 پاندەميياسى سەنٸمنٸڭ ەلەۋمەتتٸك قۇندىلىق قانا ەمەس, كەز كەلگەن ستراتەگييانى, ونىڭ ٸشٸندە ەلەكتروندىق ٷكٸمەت ستراتەگيياسىن ٸسكە اسىرعا اۋاداي قاجەت تيٸمدٸ ەكٸمشٸلٸك كاپيتال رەتٸندەگٸ ماڭىزدىلىعىن كٶرسەتتٸ», - دەپ اتاپ ٶتتٸ. «سونىمەن بٸرگە, جاڭا تەحنولوگييالاردى قولدانۋدا كەز كەلگەن اسىرا سٸلتەۋشٸلٸككە جول بەرٸلمەي, شەشٸم قابىلداۋدا اشىقتىق جەنە جارييالىلىق قاتار جٷرۋٸ كەرەك. تەجٸريبە الماسۋ زاماناۋي تەحنولوگييالاردى قولدانۋعا دا, جاڭا جاعدايدا ازاماتتاردىڭ قۇقىقتارى مەن بوستاندىقتارىن قورعاۋعا دا قاتىستى بولۋى اسا ماڭىزدى», – دەدٸ.
ال بۇۇ ەكونوميكالىق جەنە ەلەۋمەتتٸك مەسەلەلەر جٶنٸندەگٸ دەپارتامەنتٸ (UN DESA) ەلەكتروندى ٷكٸمەت باسقارما جەتەكشٸسٸ ۆينچەنتسو اكۋارونىڭ ايتۋىنشا, مەملەكەتتٸك سەكتورداعى تسيفرلىق ترانسفورماتسييانى جەدەلدەتۋگە دەگەن سۇرانىس سوڭعى ايلاردا كٷرت ٶسكەن. ونىڭ سٶزٸنە قاراعاندا, پاندەمييا ٷكٸمەتتەر مەن قوعامداردى داعدارىسقا قىسقا مەرزٸمدە جاۋاپ بەرۋ, ورتا مەرزٸمدە ونىڭ سالدارىن جويۋ, سونداي-اق ۇزاق مەرزٸمدە ستراتەگييالىق شەشٸمدەر مەن قۇرالداردى ەزٸرلەۋ ٷشٸن تسيفرلىق تەحنولوگييالارعا جٷگٸنۋگە مەجبٷر ەتتٸ. «بٸزگە وسى سەرپٸلٸستٸ ەرٸ قاراي كٷشەيتٸپ, تسيفرلى پروگرەسستٸ ودان سايىن ٸلگەرٸلەتٸپ, تسيفرلىق الشاقتىقتى ەڭسەرۋ قاجەتتٸگٸن ەستەن شىعارماي, ەلدٸڭ ٸشٸندە دە, مەملەكەتتەر اراسىندا دا ەشكٸمدٸ نازاردان تىس قالدىرماۋىمىز كەرەك» - دەدٸ اكۋارو.
UN DESA ساراپشىسى ارپينە كورەكيان ٶز بايانداماسىندا بۇۇ-نىڭ 2020-شى جىل بويىنشا ەلەكتروندىق ٷكٸمەت دامۋ دەڭگەيٸنە قاتىستى زەرتتەۋدٸڭ شەشۋشٸ نەتيجەلەرٸ مەن ترەندتەرٸن تانىستىردى. سوعان سەيكەس, بۇۇ-عا مٷشە 193 مەملەكەت اراسىندا 126-عا جۋىق مەملەكەتتە ەلەكتروندىق ٷكٸمەتتٸڭ دامۋ دەڭگەيٸ جوعارى جەنە ٶتە جوعارى دەپ انىقتالعان, دانييا, وڭتٷستٸك كورەيا جەنە ەستونييا كٶش باستاپ تۇر. تمد ەلدەرٸ اراسىندا قازاقستان ٷكٸمەتتٸڭ اشىق دەرەكتەرٸ, ونلاين-قىزمەتتەر دامۋ دەڭگەيٸ يندەكسٸ جەنە تەڭٸزگە شىعا المايتىن ەلدەر اراسىنداعى يندەكس بويىنشا الدىڭعى ورىنعا شىققان.
يزرايل ۇلتتىق تسيفرلىق مينيسترلٸگٸ مەملەكەتتٸك اكت باسقارماسى باس اتقارۋشى ديرەكتورى م.ا. شاحار براحا, بۇۇ ازييا مەن تىنىق مۇحيتى ٶڭٸرٸنە ارنالعان ەكونوميكالىق جەنە ەلەۋمەتتٸك كوميسسيياسى اكت جەنە اپاتتار قاۋپٸن ازايتۋ جٶنٸندەگٸ دەپارتامەنتٸ ديرەكتورى تيتسيانا بوناپاچە, ەستونييا ەلەكتروندىق باسقارۋ اكادەميياسى اتقارۋشى ديرەكتورى جەنە باسقارما تٶراعاسى حاننەس استوك COVID-19 پاندەميياسى كەزٸندە مەملەكەتتٸك قىزمەتتەردٸ تيٸمدٸ ۇسىنۋ بويىنشا وزىق تەجٸريبەلەرٸمەن, سونداي-اق بٸرەگەي يننوۆاتسييالىق شەشٸمدەرٸمەن بٶلٸستٸ.
ايتا كەتەيٸك, «بۇۇ-نىڭ ەلەكتروندىق ٷكٸمەت جٶنٸندەگٸ زەرتتەۋٸ اياسىنداعى ٶڭٸر ەلدەرٸندە ەلەكتروندىق ٷكٸمەتتٸڭ دامۋىنداعى جەتٸستٸكتەر مەن سىن-تەگەۋرٸندەر» اتتى ونلاين-كونفەرەنتسييانى استانا مەملەكەتتٸك قىزمەت حابى, قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ, بۇۇ ەكونوميكالىق جەنە ەلەۋمەتتٸك مەسەلەلەر جٶنٸندەگٸ دەپارتامەنتٸ, «زەردە» حولدينگٸ بٸرلەسٸپ ۇيىمداستىردى.
كونفەرەنتسييا بارىسىندا قاتىسۋشىلار ٶزارا ەرەكەتتەسۋ كەلەشەگٸ جەنە وسى مەسەلە بويىنشا جاھاندىق جەنە ٶڭٸرلٸك ىنتىماقتاستىقتى نىعايتۋ قاجەتتٸلٸگٸن تالقىلادى.
