فوتو: ۆيدەودان سكرينشوت
بۋراباي دەمالىس ايماعىندا شانا جوعارى جىلدامدىقپەن اعاشقا سوعىلىپ, 24 جاستاعى قىز زارداپ شەكتٸ, دەپ حابارلايدى Ult.kz.
دەرٸگەرلەر ٷشٸنشٸ تەۋلٸك بويى ناۋقاستىڭ ٶمٸرٸ ٷشٸن كٷرەسٸپ جاتىر.
وبلىستىق دەنساۋلىق ساقتاۋ باسقارماسىنىڭ دەرەگٸنشە, زارداپ شەگۋشٸنٸڭ جاعدايى ٶتە اۋىر, كريتيكالىق دەپ باعالانۋدا. ول باسسٷيەك پەن بەت سٷيەكتەرٸنٸڭ كٶپتٸك سىنۋىن, جابىق باس-مي جاراقاتىن العان, سونداي-اق تراۆماتيكالىق شوك دامىعان.
وبلىستىق نەيروحيرۋرگتەر مەن سالالىق مامانداردىڭ قاتىسۋىمەن ٶتكەن كونسيليۋم قورىتىندىسى بويىنشا, جاراقاتتاردىڭ اۋىرلىعىنا بايلانىستى ناۋقاسقا ەزٸرگە وتا جاساۋ مٷمكٸن ەمەس. كەز كەلگەن حيرۋرگييالىق ارالاسۋ ونىڭ ٶمٸرٸنە قاۋٸپ تٶندٸرۋٸ مٷمكٸن.
دەرٸگەرلەر ارتەرييالىق قىسىمدى ۋاقىتشا تۇراقتاندىرعانىمەن, بولجام قولايسىز كٷيٸندە قالىپ وتىر. قازٸرگٸ ۋاقىتتا ەمدەۋ شارالارى جانساقتاۋ بٶلٸمٸندە جالعاسۋدا, زارداپ شەگۋشٸ كومادا جاتىر.
اتالعان فاكتٸ بويىنشا پوليتسييا قىلمىستىق ٸس قوزعادى. سونىمەن قاتار قۇقىق قورعاۋ ورگاندارى ششۋچينسك-بۋراباي كۋرورتتىق ايماعى اۋماعىنداعى كۆادروتسيكلدەر مەن شانالاردى جالعا بەرۋ پۋنكتتەرٸنە تەكسەرۋ جٷرگٸزۋدٸ باستادى.
تەرتٸپ ساقشىلارى قاۋٸپسٸزدٸك تالاپتارىنىڭ ساقتالۋىن, كليەنتتەرگە نۇسقاۋلىقتىڭ جٷرگٸزٸلۋٸن جەنە تەحنيكانىڭ تەحنيكالىق جاعدايىن انىقتاۋدى كٶزدەپ وتىر.
