Foto: videodan skrinshot
Býrabai demalys aimaǵynda shana joǵary jyldamdyqpen aǵashqa soǵylyp, 24 jastaǵy qyz zardap shekti, dep habarlaidy Ult.kz.
Dárigerler úshinshi táýlik boiy naýqastyń ómiri úshin kúresip jatyr.
Oblystyq densaýlyq saqtaý basqarmasynyń dereginshe, zardap shegýshiniń jaǵdaiy óte aýyr, kritikalyq dep baǵalanýda. Ol bassúiek pen bet súiekteriniń kóptik synýyn, jabyq bas-mi jaraqatyn alǵan, sondai-aq travmatikalyq shok damyǵan.
Oblystyq neirohirýrgter men salalyq mamandardyń qatysýymen ótken konsiliým qorytyndysy boiynsha, jaraqattardyń aýyrlyǵyna bailanysty naýqasqa ázirge ota jasaý múmkin emes. Kez kelgen hirýrgiialyq aralasý onyń ómirine qaýip tóndirýi múmkin.
Dárigerler arteriialyq qysymdy ýaqytsha turaqtandyrǵanymen, boljam qolaisyz kúiinde qalyp otyr. Qazirgi ýaqytta emdeý sharalary jansaqtaý bóliminde jalǵasýda, zardap shegýshi komada jatyr.
Atalǵan fakti boiynsha politsiia qylmystyq is qozǵady. Sonymen qatar quqyq qorǵaý organdary Shýchinsk-Býrabai kýrorttyq aimaǵy aýmaǵyndaǵy kvadrotsiklder men shanalardy jalǵa berý pýnktterine tekserý júrgizýdi bastady.
Tártip saqshylary qaýipsizdik talaptarynyń saqtalýyn, klientterge nusqaýlyqtyń júrgizilýin jáne tehnikanyń tehnikalyq jaǵdaiyn anyqtaýdy kózdep otyr.
