بۋرابايدا جارتاستان قۇلاپ, قاتتى زارداپ شەككەن 24 جاستاعى استانا قالاسىنىڭ تۇرعىنى اۋداندىق اۋرۋحانانىڭ جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
دەرٸگەرلەردٸڭ ايتۋىنشا, ناۋقاستىڭ جاعدايى اسا اۋىر دەپ باعالانۋدا. ەر ادامعا تٷندە وتا جاسالدى. زارداپ شەككەن ازاماتتىڭ باس سٷيەگٸ جاراقاتتانىپ, جٸلٸنشٸك سٷيەكتەرٸ سىنعان. دەرٸگەرلەر ونىڭ الداعى جاعدايى تۋرالى باسقا اقپارات ايتۋدان باس تارتتى.
اقمولا وبلىسىنىڭ تٶتەنشە جاعدايلار دەپارتامەنتٸندە مەلٸم ەتكەندەي, استانا قالاسىنىڭ 24 جاستاعى تۇرعىنىنىڭ ٶز سٶزٸنەن بەلگٸلٸ بولعانداي, ەر ادام 940 مەتر بيٸكتٸكتە سەلفي جاساپ جٷرٸپ, اياعى تايىپ, جارتاستان قۇلاعان.
