ازييا ويىندارىنىڭ چەمپيونى ولگا رىپاكوۆا Olympic.kz سايتىنا سۇحبات بەرٸپ, ٶز جەڭٸسٸن بارشا قازاقستان حالقىنا ارنايتىنىن جەتكٸزدٸ.
«بارلىعى سەتتٸ اياقتالعانى ٷشٸن قۋانىشتىمىن. التىن مەدال يەلەندٸم. بۇل مەدالٸم ساعان ارنالادى, قازاقستان! بارلىق وتانداستارىمدى بٷگٸنگٸ مەرەكەمەن قۇتتىقتايمىن. بٸزگە قولداۋ كٶرسەتكەندەرٸڭٸز ٷشٸن العىسىم شەكسٸز. ٶز جەرٸمٸزدەن جىراقتا جٷرگەن بٸزدەرگە, سپورتشىلارعا بۇل ٷلكەن قولداۋ. اتلەتتەر ٷشٸن ەرقاشان دەمەۋ كەرەك. بٸز ونى قايدا جٷرسەك تە سەزٸنەمٸز. ال جارىسقا كەلەر بولساق, مەن ٶز كەزەگٸمدٸ كٶپ كٷتتٸم. ەرتەرەك كەلٸپ الدىق مۇندا. ەدەتتە جەڭٸل اتلەتيكا باعدارلاماسىنىڭ باس جاعىندا سىنعا تٷسەتٸن ەم. بۇل جولى ەڭ سوڭىنا قالدىرىپتى. سونىڭ سالدارىنان بٸراز قوبالجىدىم. وسى ماۋسىمدا تاعى باسقا جارىستارعا قاتىسسام دەگەن ويىم بار. بٷگٸنگٸ جەڭٸسٸمدٸ قازاقستانعا ارنايمىن! مەرەكەلەرٸڭٸزبەن! », - دەدٸ رىپاكوۆا.
