قر جازۋشىلار وداعى تٶراعاسىنىڭ ورىنباسارى, اقىن اقبەرەن ەلگەزەك قازاقستانداعى ەدەبيەتتٸڭ دامۋى تۋرالى پٸكٸرٸن بٸلدٸردٸ, دەپ حابارلايدى قازاقپارات.
«بٷگٸنگٸ ەدەبي پروتسەسس بۇرىنعى ۋاقىتتاعى ٷدەرٸستەردەن ەلدەقايدا باسقا. بٸز بٷگٸن تٷرلٸ اقپاراتتىق تەحنولوگييالار مەن ەلەۋمەتتٸك جەلٸلەر ٷستەم قۇرىپ تۇرعان زاماندا جاڭا ەدەبيەت جاساپ جاتىرمىز. ونىڭ جاقسى جاعى دا, تەرٸس جاعى دا بار. جاقسى جاعى – قىسقا جازىلعان دٷنيە عالامتور ارقىلى وقىرمانعا تەز جەتەدٸ, تەز وقىلادى, تەز تارالادى. الايدا بۇل جاعدايدا ٷلكەن, ٸرگەلٸ, بىلايشا ايتقاندا كٸتاپ فورماسىنا عانا سيياتىن شىعارمالار ازعانتاي تۇتىنۋشى ورتانىڭ نەسٸبەسٸنە عانا اينالدى», - دەدٸ ول مەدەنيەت جەنە سپورت مينيسترلٸگٸنٸڭ القا وتىرىسىندا.
ٶز سٶزٸندە سپيكەر بۇرىنعىداي ساپالى كەسٸبي ەدەبي تالداۋلار ازايعانىن, سىن جانرى دا از-كەم توقىراۋعا تٷسٸپ تۇرعانىن ايتتى.
«قازٸر تەك ەلەۋمەتتٸك جەلٸلەردە بٸرجاقتى ايتىلاتىن پٸكٸرلەر عانا بار, ونىڭ دەڭگەيٸ دە وسىندا وتىرعان ازاماتتارعا بەلگٸلٸ دەپ ەسەپتەيمٸن. دەگەنمەن كٶركەم ەدەبيەت قاشاندا بولعان. ادامزات باردا ول جاساي دا بەرەدٸ. نەبٸر زۇلمات دەۋٸرلەردە, سوعىس جەنە اشتىقتا دا قازاقتا ەدەبيەت جاسالدى - ٶركەندەگەن تۇستارى دا بولدى, تسەنزۋراعا ۇشىراعان زامانداردى دا باستان كەشٸردٸ. سوندا دا تٶل ەدەبيەتٸمٸز قازاقتىڭ كٶركەم ەلەمٸن ۇلعايتىپ وتىردى. بٷگٸندە جاڭا زامان ەدەبيەتٸ جاسالۋ ٷستٸندە. ەلبەتتە, بٸز دەۋٸر سۇرانىستارى مەن زامان تالاپتارىنا ساي يكەمدەلٸپ وتىرمىز. ەدەبيەتكە جىل سايىن جاڭا تولقىن جاستاردىڭ كەلٸپ جاتقانى – سونىڭ ايعاعى. ولاردىڭ ويلاۋ پاراديگماسى, دٷنيەنٸ سەزٸنۋٸ مەن جازۋ ستيلٸ دە بٶلەك, ٶز اۋديتورييالارى بار. جاڭا ەدەبي ليدەرلەر قالىپتاسىپ جاتىر. بۇل - قۋانىشتى تەندەنتسييا. ەرينە, ٷلكەن بۋىن مەن جاڭا بۋىن اراسىنداعى مويىنداۋ-مويىنداماۋ دەگەن بولعان, بولا بەرەدٸ دە. بٸر سٶزبەن ايتقاندا, ەدەبي پروتسەسس ەشقاشان توقتامايدى», - دەدٸ اقبەرەن ەلگەزەك.
