فوتو: Aikyn.kz
ناۋرىزناما ونكٷندٸگٸ اياسىندا 20 ناۋرىز – ۇلتتىق سپورت كٷنٸ رەتٸندە اتاپ ٶتٸلەدٸ. بۇل كٷن ۇلتتىق سپورت تٷرلەرٸن دەرٸپتەپ, ولاردى زاماناۋي ٷردٸستەرمەن ۇشتاستىرۋ ارقىلى ۇلتتىق بٸرەگەيلٸكتٸ نىعايتۋعا باعىتتالعان دەپ حابارلايدى Ult.kz.
قازٸرگٸ تاڭدا رەسپۋبليكا بويىنشا 16 555 ۇلتتىق سپورت ٷيٸرمەسٸ جۇمىس ٸستەيدٸ. سونداي-اق كادر دايارلاۋ باعىتىندا 15 بالالار مەن جاسٶسپٸرٸمدەر سپورت مەكتەبٸ مەن 17 سپورت كلۋبى قىزمەت كٶرسەتۋدە.
2025 جىلدىڭ ماۋسىم ايىندا كٷشٸنە ەنگەن «دەنە شىنىقتىرۋ جەنە سپورت تۋرالى» زاڭنىڭ جاڭا رەداكتسيياسىنا سەيكەس, ۇلتتىق سپورت تٷرلەرٸ وليمپيادالىق جەنە پاراليمپيادالىق سپورتپەن قاتار باسىم باعىتتاردىڭ قاتارىنا ەنگٸزٸلدٸ. بۇل سالا ٶكٸلدەرٸنە ماقساتتى قارجىلاندىرۋعا جول اشىپ, جوعارى جەتٸستٸكتەر سپورتى دەڭگەيٸندە دامۋىنا مٷمكٸندٸك بەرەدٸ.
بٷگٸندە ەلٸمٸزدە اسىق اتۋ, اۋدارىسپاق, بەيگە, دەستٷرلٸ ساداق اتۋ, جامبى اتۋ, جەكپە-جەك, كٶكپار, قازاق كٷرەسٸ, قۇسبەگٸلٸك, تەڭگە ٸلۋ جەنە توعىزقۇمالاق سىندى 11 ۇلتتىق سپورت تٷرٸ دامىپ كەلەدٸ. ونىڭ ٸشٸندە تٶرتەۋٸ يۋنەسكو-نىڭ ماتەريالدىق ەمەس مەدەني مۇرالار تٸزٸمٸنە ەنگٸزٸلگەن.
جىل سايىن «اقبيداي» اۋىل سپورت ويىندارى, «قازاقستان بارىسى» تۋرنيرٸ, «ۇلى دالا جورىعى» مارافون-بەيگەسٸ جەنە ەتنوسپورت فەستيۆالدەرٸ ۇيىمداستىرىلادى.
ايتا كەتەيٸك, 14–23 ناۋرىز ارالىعىندا ٶتەتٸن ناۋرىزناما ونكٷندٸگٸ كەزٸندە ەل بويىنشا 747 سپورتتىق-بۇقارالىق ٸس-شارا جوسپارلانعان. ولارعا شامامەن 150 مىڭ ادام قاتىسادى. ٸس-شارالار اۋىلدىق وكرۋگتەردەن باستاپ, اۋدان, قالا جەنە وبلىس ورتالىقتارىنا دەيٸن بارلىق ٶڭٸردە ٶتەدٸ.
