Foto: Aikyn.kz
Naýryznama onkúndigi aiasynda 20 naýryz – Ulttyq sport kúni retinde atap ótiledi. Bul kún ulttyq sport túrlerin dáriptep, olardy zamanaýi úrdistermen ushtastyrý arqyly ulttyq biregeilikti nyǵaitýǵa baǵyttalǵan dep habarlaidy Ult.kz.
Qazirgi tańda respýblika boiynsha 16 555 ulttyq sport úiirmesi jumys isteidi. Sondai-aq kadr daiarlaý baǵytynda 15 balalar men jasóspirimder sport mektebi men 17 sport klýby qyzmet kórsetýde.
2025 jyldyń maýsym aiynda kúshine engen «Dene shynyqtyrý jáne sport týraly» zańnyń jańa redaktsiiasyna sáikes, ulttyq sport túrleri olimpiadalyq jáne paralimpiadalyq sportpen qatar basym baǵyttardyń qataryna engizildi. Bul sala ókilderine maqsatty qarjylandyrýǵa jol ashyp, joǵary jetistikter sporty deńgeiinde damýyna múmkindik beredi.
Búginde elimizde asyq atý, aýdaryspaq, báige, dástúrli sadaq atý, jamby atý, jekpe-jek, kókpar, qazaq kúresi, qusbegilik, teńge ilý jáne toǵyzqumalaq syndy 11 ulttyq sport túri damyp keledi. Onyń ishinde tórteýi IýNESKO-nyń materialdyq emes mádeni muralar tizimine engizilgen.
Jyl saiyn «Aqbidai» aýyl sport oiyndary, «Qazaqstan barysy» týrniri, «Uly dala joryǵy» marafon-báigesi jáne etnosport festivalderi uiymdastyrylady.
Aita keteiik, 14–23 naýryz aralyǵynda ótetin Naýryznama onkúndigi kezinde el boiynsha 747 sporttyq-buqaralyq is-shara josparlanǵan. Olarǵa shamamen 150 myń adam qatysady. Is-sharalar aýyldyq okrýgterden bastap, aýdan, qala jáne oblys ortalyqtaryna deiin barlyq óńirde ótedi.
