بٷگٸن قازاقستاندا وتان قورعاۋشى كٷنٸ اتاپ ٶتٸلەدٸ.
26 جىل بۇرىن مەملەكەت باسشىسى نۇرسۇلتان نازارباەۆتىڭ جارلىعىمەن قازاقستان رەسپۋبليكاسىنىڭ قارۋلى كٷشتەرٸ قۇرىلدى.
1992 جىلدىڭ 7 مامىرىندا تەۋەلسٸز ەلدٸڭ زاڭدىق قۇقىقتارىنىڭ نەگٸزدەرٸنە جەنە تەۋەلسٸز مەملەكەتتەر دوستىعىنا قاتىسۋشى مەملەكەتتەر اراسىنداعى قول جەتكەن كەلٸسٸمدەرگە بايلانىستى قر پرەزيدەنتٸ نۇرسۇلتان نازارباەۆتىڭ جارلىعى شىقتى. بۇل جارلىق بويىنشا قازاقستان اۋماعىندا ورنالاسقان قارۋلى كٷشتەر ٶزدەرٸنٸڭ مٷلٸكتەرٸمەن قوسا رەسپۋبليكانىڭ قاراۋىنا ٶتتٸ. جوعارعى باس قولباسشى رەتٸندە قارۋلى كٷشتەردٸ باسقارۋدى پرەزيدەنت ٶز موينىنا الدى. بۇل كٷن قازاقستان رەسپۋبليكاسىنىڭ قارۋلى كٷشتەرٸنٸڭ قۇرىلعان كٷنٸ بولعاندىقتان "7 مامىر — وتان قورعاۋشىلار كٷنٸ" دەپ جارييالاندى.
2012 جىلعى 3 مامىردا نۇرسۇلتان نازارباەۆتىڭ «قازاقستان رەسپۋبليكاسى قارۋلى كٷشتەرٸنٸڭ 20 جىلدىعى تۋرالى» بۇيرىعى نەگٸزٸندە «وتان قورعاۋشى كٷنٸ» بەكٸتٸلٸپ, ونىڭ قۇرمەتٸنە 2013 جىلى استانادا تۇڭعىش رەت جاۋىنگەرلٸك پاراد ٶتتٸ. وعان 7 مىڭنان استام ەسكەري قىزمەتشٸ, 400 بٸرلٸكتەن اسا ەسكەري تەحنيكا, 86 ۇشاق پەن تٸكۇشاق تارتىلعان ەدٸ.
قر قارۋلى كٷشتەرٸ قۇرىلعالى بەرٸ قورعانىس مينيسترلٸگٸنٸڭ باسشىلىعىندا ساعادات نۇرماعامبەتوۆ (1992-1995), ەلٸبەك قاسىموۆ (1995-1996), مۇحتار التىنباەۆ (1996-1999 جەنە 2001-2007), سەت توقپاقباەۆ (1999-2001), دانيال احمەتوۆ (2007-2009), ەدٸلبەك جاقسىبەكوۆ (2009-2014), سەرٸك احمەتوۆ (2014), يمانعالي تاسماعامبەتوۆ (2014-2016) بولدى. 2016 جىلدىڭ قىركٷيەك ايىنان باستاپ بۇل جاۋاپتى مٸندەتتٸ گەنەرال-پولكوۆنيك سەكەن جاسۇزاقوۆ اتقارىپ كەلەدٸ.
دەستٷر بويىنشا مەيرام قارساڭىندا پرەزيدەنت ەسكەري اتاقتار مەن جوعارى شەندەر بەرۋ تۋرالى جارلىق شىعارىپ, ەرەن ەڭبەگٸمەن ەرەكشەلەنگەن ٷزدٸكتەردٸ ماراپاتتادى.
بيىل وتان قورعاۋشىلار كٷنٸنە جەنە ۇلى جەڭٸسكە ارنالعان ەسكەري شەرۋ جامبىل وبلىسىنداعى "وتار" ەسكەري بازاسىندا ٶتتٸ.
