بٷگٸن, 9 اقپان «بٷگٸن مەنٸڭ تۋعان كٷنٸم, وي پەلٸ-اي, مىنا حالقىم نەگە وتىر تويلاماي» دەپ جىرلاعان اقيىق اقىن مۇقاعالي ماقاتاەۆتىڭ تۋعانىنا 93 جىل تولدى. مۇزبالاق اقىننىڭ ليريكا ٶلەڭدەرٸ كٶپشٸلٸك اراسىندا كەڭٸنەن تانىمال.
مۇقاعالي ماقاتاەۆ – قازاقتىڭ ليريك اقىنى, زامانىندا لايىق باعاسىن الا الماسا دا ٶزٸنەن كەيٸنگٸلەر ٷشٸن مەرتەبەسٸ بيٸك.
ول 1931 جىلى 9 اقپاندا الماتى وبلىسى قازٸرگٸ رايىمبەك (بۇرىنعى نارىنقول) اۋدانىنىڭ قاراساز اۋىلىندا دٷنيەگە كەلگەن. ەكەسٸ سوعىستا قازا تاۋىپ, اناسى مەن ەجەسٸنٸڭ تەربيەسٸندە ٶسەدٸ.
مۇقاعالي اقىن 1962 جىلى الماتىعا قونىس اۋدارىپ, ەدەبي ورتاعا ەتەنە ارالاسا باستايدى. الماتى شەت تٸلدەرٸ ينستيتۋتىندا, قازاق مەملەكەتتٸك ۋنيۆەرسيتەتٸنٸڭ فيلولوگييا فاكۋلتەتٸندە, مەسكەۋدەگٸ م. گوركيي اتىنداعى ەلەم ەدەبيەتٸ ينستيتۋتىندا بٸلٸم الادى.
مۇنان سوڭ «سوتسياليستٸك قازاقستان» (قازٸرگٸ «ەگەمەن قازاقستان») گازەتٸنٸڭ (1962-1963 جج.), «مەدەنيەت جەنە تۇرمىس» (قازٸرگٸ «پاراسات») (1963-1965 جج.), «جۇلدىز» (1965-1972 جج.) جۋرنالدارىنىڭ رەداكتسيياسىندا, قازاقستان جازۋشىلار وداعىندا (1972-1973 جج.) قىزمەت اتقارادى.
مۇقاعالي الماتىداعى قازاق ەدەبيەتٸ مەن ٶنەرٸنٸڭ قايماقتارى شوعىرلانعان ورتادا ٶتكەرگەن از عانا جىلدار ٸشٸندە ٶزٸندٸك دارا ٷنٸن, سۋرەتكەرلٸك قايتالانباس دارىنىن تانىتىپ, ٶنٸمدٸ ەڭبەكتەنە بٸلدٸ.
«يليچ» (1964), «ارمىسىڭدار دوستار» (1966), «قارلىعاشىم, كەلدٸڭ بە?», «ماۆر» (1970), «اققۋلار ۇيىقتاعاندا» (1973), «شۋاعىم مەنٸڭ» (1975) اتتى جىر جيناقتارىن كٶزٸنٸڭ تٸرٸسٸندە جارييالاپ ٷلگەردٸ.
اقىن پوەزيياسىنىڭ قاينار كٶزٸ, شابىت تۇعىرى – تۋعان ەلٸ, ٶسكەن جەرٸ, وتان تاعدىرى, زامانا تىنىسى, زامانداستارىنىڭ ارمان-اڭسارى. وسىنىڭ بەرٸن ول جاس دارىنعا تەن قايتالانباس شەبەرلٸكپەن, ەر جٷرەكپەن تٸل تابىسار سىرشىل دا شىنشىل سەزٸممەن, ناعىز پوەزيياعا عانا تەن بەينەلٸ وبرازدارمەن بەدەرلەپ, ٶلمەس تۋىندىلاردى دٷنيەگە ەكەلدٸ.
اقىننىڭ تۇڭعىش ٶلەڭدەرٸ «قىرمان باسىندا», «قويشى بالا – ەكٸتاي» اۋداندىق «سوۆەتتٸك شەكارا» گازەتٸندە جارييالاندى (1949). «ٸنٸمنٸڭ ويى», «شەبەر» ٶلەڭدەرٸ «جاستىق جىرى» اتتى جيناققا ەندٸ (1951). العاش مۇقاعالي تالانتىن باعالاعان ە.تەجٸباەۆ: «ٶزٸڭنەن دە جٸگەرلٸلەۋ, وتتىلاۋ جاس جەتكٸنشەك جەتكەندە, ماقتانباسقا بولا ما?!» – دەپ باعا بەرگەن.
مۇقاعاليدىڭ «قارلىعاشىم, كەلدٸڭ بە?», «داريعا جٷرەك» (1972 جىلى), «اققۋلار ۇيىقتاعاندا», «شۋاعىم مەنٸڭ» (1975 ج.), «سوعادى جٷرەك», «شولپان», «جىرلايدى جٷرەك», «ٶمٸر-ٶزەن», «ٶمٸر-داستان» جەنە ت.ب. جىر جيناقتارى, سونداي-اق, «قوش, ماحاببات!» (1988 جىلى) اتتى پروزالىق كٸتابى دا بار.
بٸرشاما ٶلەڭٸنە ەن جازىلدى. ٶزٸن اۋدارماشىلىق قىرىنان دا سىناپ كٶرگەن مۇقاعالي دانتەنٸڭ «قۇدٸرەتتٸ كومەديياسىنىڭ» «تامۇق» دەگەن بٶلٸمٸن (1971 جىلى), شەكسپيردٸڭ «سونەتتەرٸن» (1970 جىلى), ۋولت ۋيتمەننٸڭ ٶلەڭدەرٸن (1969 جىلى) قازاق تٸلٸنە اۋداردى.
