بٷگٸن قازاقستاندا شامامەن 380 مىڭعا جۋىق وقۋشى بٸرٸنشٸ سىنىپقا بارادى. رەسپۋبليكانىڭ بارلىق بٸلٸم وشاقتارىندا العاشقى قوڭىراۋ سوعىلدى, دەپ حابارلايدى "ۇلت اقپارات".
ايتا كەتەرلٸگٸ, 1 قىركٷيەك قۇربان ايت مەيرامىنا دەل كەلگەندٸكتەن العاشقى قوڭىراۋ سوعۋ سالتاناتى 2 قىركٷيەككە اۋىستىرىلعان بولاتىن.
جالپى جىلدان جىلعا بٸرٸنشٸ سىنىپقا باراتىن بٷلدٸرشٸندەردٸڭ سانى ارتا تٷسۋدە. ٶتكەن جىلى مەكتەپ تابالدىرىعىن 370 مىڭعا جۋىق بالا اتتاسا, بيىل ولاردىڭ سانى 10 مىڭ بالاعا ارتقان. وسىعان بايلانىستى ەلٸمٸزدٸڭ بارلىق ٶڭٸرلەرٸندە جاڭادان مەكتەپتەر سالىنىپ جاتىر. بيىل 75 جاڭا مەكتەپتٸ پايدالانۋعا بەرۋ جوسپارلانسا, سونىڭ 35-ٸ 2 قىركٷيەك كٷنٸ وقۋشىلارعا ەسٸگٸن ايقارا اشادى. مۇنان بٶلەك, 300 مەكتەپكە كٷردەلٸ جٶندەۋ, ال 410 مەكتەپ اعىمدىق جٶندەۋ جۇمىستارى جٷرگٸزٸلدٸ.
ەستەرٸڭٸزدە بولسا, ٶتكەن جىلى ەلٸمٸزدٸڭ 1 سىنىپ وقۋشىلارى جاڭارتىلعان بٸلٸم بەرۋ باعدارلاماسىمەن وقي باستاعان بولاتىن. ال بيىل 2, 5 جەنە 7 سىنىپ وقۋشىلارى جاڭارتىلعان بٸلٸم باعدارلاماسىنا كٶشەدٸ.
