بٷگٸن – امال مەرەكەسٸ: قازاقتىڭ كٶنە كٶرٸسۋ دەستٷرٸ

فوتو: aqshamnews.kz

بٷگٸن قازاقستاندا ناۋرىز مەيرامىنىڭ باستاۋى سانالاتىن امال مەرەكەسٸ اتاپ ٶتٸلەدٸ. حالىق اراسىندا بۇل كٷن كٶرٸسۋ كٷنٸ دەپ تە بەلگٸلٸ. بۇل – ادامداردىڭ بٸر-بٸرٸمەن قاۋىشىپ, اماندىق-ساۋلىق سۇراساتىن كٶنە دەستٷرٸ, دەپ جازادى Ult.kz.

بيىل ەلٸمٸزدە 14–23 ناۋرىز ارالىعى ناۋرىزناما ونكٷندٸگٸ رەتٸندە بەلگٸلەندٸ. ونكٷندٸك اياسىندا ۇلتتىق مەدەنيەتتٸ دەرٸپتەيتٸن تٷرلٸ مەدەني, قايىرىمدىلىق جەنە قوعامدىق ٸس-شارالار ۇيىمداستىرىلادى. ال ونىڭ العاشقى كٷنٸ امال مەرەكەسٸنە سەيكەس كەلەدٸ.

كٶرٸسۋ دەستٷرٸ ەسٸرەسە باتىس قازاقستان, اتىراۋ جەنە ماڭعىستاۋ وبلىستارىندا كەڭٸنەن ساقتالعان. ماڭعىستاۋ ٶڭٸرٸندە بۇل كٷن «امال» دەپ اتالادى. ماعىناسى – «قىستان امان شىعىپ, جاڭا كەزەڭگە قادام باستاۋ».

بۇل كٷنٸ ادامدار بٸر-بٸرٸنٸڭ ٷيٸنە بارىپ, قول الىسىپ كٶرٸسٸپ, جىلى لەبٸزدەرٸن بٸلدٸرەدٸ. سونىمەن قاتار ۇلتتىق ويىندار مەن سپورتتىق جارىستار دا ٶتكٸزٸلەدٸ.

مەملەكەت باسشىسى قاسىم-جومارت توقاەۆ جىل سايىن قازاقستاندىقتاردى امال كٷنٸمەن قۇتتىقتاپ, بۇل دەستٷردٸڭ سوڭعى جىلدارى قايتا جاڭعىرىپ, جالپىۇلتتىق سيپات الا باستاعانىن اتاپ كەلەدٸ.

امال كٷنٸ – ادامداردى جاقىنداستىراتىن, بٸرلٸك پەن تاتۋلىقتى دەرٸپتەيتٸن ەرەكشە مەرەكە.