Búgin – Amal merekesi: qazaqtyń kóne kórisý dástúri

Foto: aqshamnews.kz

Búgin Qazaqstanda Naýryz meiramynyń bastaýy sanalatyn Amal merekesi atap ótiledi. Halyq arasynda bul kún kórisý kúni dep te belgili. Bul – adamdardyń bir-birimen qaýyshyp, amandyq-saýlyq surasatyn kóne dástúri, dep jazady Ult.kz.

Biyl elimizde 14–23 naýryz aralyǵy Naýryznama onkúndigi retinde belgilendi. Onkúndik aiasynda ulttyq mádenietti dáripteitin túrli mádeni, qaiyrymdylyq jáne qoǵamdyq is-sharalar uiymdastyrylady. Al onyń alǵashqy kúni Amal merekesine sáikes keledi.

Kórisý dástúri ásirese Batys Qazaqstan, Atyraý jáne Mańǵystaý oblystarynda keńinen saqtalǵan. Mańǵystaý óńirinde bul kún «Amal» dep atalady. Maǵynasy – «qystan aman shyǵyp, jańa kezeńge qadam bastaý».

Bul kúni adamdar bir-biriniń úiine baryp, qol alysyp kórisip, jyly lebizderin bildiredi. Sonymen qatar ulttyq oiyndar men sporttyq jarystar da ótkiziledi.

Memleket basshysy Qasym-Jomart Toqaev jyl saiyn qazaqstandyqtardy Amal kúnimen quttyqtap, bul dástúrdiń sońǵy jyldary qaita jańǵyryp, jalpyulttyq sipat ala bastaǵanyn atap keledi.

Amal kúni – adamdardy jaqyndastyratyn, birlik pen tatýlyqty dáripteitin erekshe mereke.