فوتو: primeminister.kz
عىلىم جەنە جوعارى بٸلٸم مينيسترٸ ساياسات نۇربەك ٷكٸمەت وتىرىسىنان كەيٸن ٶتكەن بريفينگٸدە عىلىم اكادەميياسى قالاي ترانسفورماتسييالانىپ جاتقانىن ايتتى, دەپ حابارلايدى Kazinform اگەنتتٸگٸ.
«قازٸر عىلىم اكادەميياسىن ترانسفورماتسييالاۋ جٷرٸپ جاتىر. بىلتىر پرەزيدەنت جانىنداعى عىلىم اكادەميياسى قۇرىلىپ, مەرتەبە بەرٸلگەن. قازٸر عىلىم تۋرالى زاڭعا تيٸستٸ ٶزگەرتۋلەر ەنگٸزٸپ جاتىرمىز. كەشە پرەزيدەنت ٶز ٶكٸمٸمەن عىلىم اكادەميياسىنىڭ جاڭا پرەزيدەنتٸن تاعايىندادى. ەرەجەسٸ دايىن. جۋىقتا, ەكٸ-ٷش اپتانىڭ كٶلەمٸندە جاڭا اكادەميكتەردٸ سايلاۋدى باستايمىز دەپ ويلايمىن. ياعني, قازٸر عىلىم اكادەميياسى قوعامدىق ۇيىم تٷرٸندە جۇمىس ٸستەپ تۇر. ول جويىلىپ, جاڭا اكادەميكتەردٸ كونكۋرستىق نەگٸزدە ٸرٸكتەۋ جۇمىستارى باستالادى. ەڭبەگٸ سٸڭگەن, جىلدار بويى عىلىمي ٷلەسٸن دەلەلدەپ كەلە جاتقان كەيبٸر اكادەميكتەرگە «قۇرمەتتٸ اكادەميك» مەرتەبەسٸ بەرٸلەدٸ. جاڭا اكادەمييانىڭ جارعىسىندا بۇل بار», - دەدٸ ول.
مينيستر اكادەميكتەر ٸرٸكتەۋ كونكۋرسى مٷلدە جاڭا ٶلشەمشارتتار بويىنشا جٷرەتٸنٸن ايتادى.
«مىسالى, عىلىمي قىزمەتٸ, Q1, Q2 يمپاكت-فاكتورى بار جۋرنالداردا جارييالانعان ماقالاسىنىڭ سانى ەسەپكە الىنادى. ٸرٸكتەۋ مٷلدە جاڭا قاعيداتتار بويىنشا جٷرەدٸ. ول قاعيدات عالىمنىڭ جاسىنا ەمەس, شىنايى عىلىمي ٷلەسٸنە, بەلسەندٸلٸگٸنە, پاتەنتتەر سانىنا, عىلىمي جوبالارىنا, ينۆەستيتسييا تارتا بٸلگەنٸنە قارايدى. سوندىقتان الداعى 2-3 ايدا اكادەمييا شىنداپ ترانسفورماتسييالانادى. جاس بويىنشا شەكتەۋ جوق», - دەدٸ ساياسات نۇربەك.
