قازاقستاننىڭ بٸرٸنشٸ, ەلەمنٸڭ 38-راكەتكاسى الەكساندر بۋبليك ۋيمبلدون تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
بۋبليك باستاپقى ماتچىن دٷنيەجٷزٸلٸك رەيتينگتە 105-ورىندا تۇرعان وتانداسى ميحايل كۋكۋشكينمەن ٶتكٸزدٸ.
قارسىلاستار بۇعان دەيٸن ٶزارا ەكٸ مەرتە كەزدەسٸپ, بٸر-بٸردەن جەڭٸسكە جەتكەن ەدٸ.
بۇل جولى ا.بۋبليك 6:4, 6:2, 6:1 ەسەبٸمەن باسىم تٷستٸ.
بەسەكە 1 ساعات 20 مينۋتقا سوزىلدى.
ماتچ بارىسىندا بۋبليك 16 ەيس جاساپ, 8 برەيك-پوينتتىڭ التاۋىن پايدالاندى. كۋكۋشكيننٸڭ ەنشٸسٸندە 5 ەيس بولعانىمەن, بٸر دە بٸر رەت برەيك جاساعان جوق.
بۇعان دەيٸن ۋيمبلدون دوداسىندا ەكٸ رەت ٶنەر كٶرسەتكەن بۋبليك العاشقى اينالىمنان اسا الماعان ەدٸ. ەندٸ سول كٶرسەتكٸشٸن جاقسارتتى.
بۋبليك ٷشٸنشٸ اينالىمعا ٶتۋ ٷشٸن ەلەمنٸڭ 21-ٸنشٸ, وسى جارىستىڭ 18-راكەتكاسى, بولگارييالىق گريگور ديميتروۆپەن تالاسادى. ول رەيتينگتە 106-ساتىداعى يسپانييالىق فەرناندو ۆەرداسكونى 3:6, 6:3, 6:4, 6:4 ەسەبٸمەن ۇتتى.
