قازاقستانداعى ادام قۇقىقتارى جٶنٸندەگٸ ۋەكٸل ەلۆيرا ەزٸموۆانىڭ ەۋروپالىق وداقتىڭ استاناسىنا ەكٸ كٷندٸك ساپارى اياقتالدى, دەپ حابارلايدى "ۇلت اقپارات".
ساپار شەڭبەرٸندە ە.ەزٸموۆانىڭ ەۋروپالىق سىرتقى ٸس-قيمىلدار قىزمەتٸنٸڭ (ەسٸق) جەنە ەۋروپالىق پارلامەنتتٸڭ نەگٸزگٸ قۇرىلىمدارىنىڭ جوعارى ٶكٸلدەرٸمەن كەزدەسۋلەرٸ ٶتتٸ.
ەۋروپالىق وداقتىڭ ورتالىق ازييا بويىنشا ارنايى ٶكٸلٸ تەري حاكالمەن ەڭگٸمەلەسۋ بارىسىندا ەۋروپالىق ينستيتۋتتاردىڭ قازاقستان رەسپۋبليكاسىنىڭ سوت جەنە قىلمىستىق-تٷزەتۋ جٷيەسٸن جاقسارتۋعا باعىتتالعان قازاقستاندىق باستامالار مەن جوبالاردى قولداۋ مەسەلەلەرٸ تالقىلاندى.
ادام قۇقىقتارى جٶنٸندەگٸ ديالوگ, سوت تٶرەلٸگٸ مەن قۇقىق تەرتٸبٸ جٶنٸندەگٸ كٸشٸ كوميتەت, وا-ەو ازاماتتىق فورۋمى سيياقتى ادام قۇقىقتارى سالاسىنداعى تاقىرىپتىق ديالوگ تەتٸكتەرٸ شەڭبەرٸندە قر مەن ەو ٶزارا ٸس-قيمىلىنا ەرەكشە نازار اۋدارىلدى.
پارلامەنتتٸك ترەكتەگٸ ەكٸجاقتى ٶزارا ٸس-قيمىل مەسەلەلەرٸ قر–ەو-نىڭ ەۋروپالىق پارلامەنتتەگٸ دوستىق توبىنىڭ تٶراعاسى – پارلامەنتتٸك پەتيتسييا كوميتەتٸنٸڭ ۆيتسە-تٶراعاسى رىشارد چارنەتسكييمەن تالقىلاندى. ەۋرودەپۋتات تٷرلٸ ساياسي اعىمدار مەن ەلدەردٸڭ ٶكٸلدەرٸ بولىپ تابىلاتىن توپ مٷشەلەرٸ قر پرەزيدەنتٸ ق.توقاەۆتىڭ 2022 جىلعى 16 ناۋرىزدا جارييالاعان دەموكراتييالىق رەفورمالارعا قول جەتكٸزۋدە قاجەتتٸ ساياسي قولداۋ كٶرسەتۋگە دايىن ەكەندٸگٸنە سەندٸردٸ.
ورتالىق ازييا جەنە موڭعولييامەن ٶزارا ٸس-قيمىل جٶنٸندەگٸ ەۋروپالىق پارلامەنت دەلەگاتسيياسىنىڭ تٶراعاسى فۋلۆيو مارتۋشەللومەن كەزدەسۋ بارىسىندا تاراپتار 2022 جىلعى 12 سەۋٸردە نۇر-سۇلتان قالاسىندا ٶتەتٸن قر-ەو پارلامەنتتٸك ىنتىماقتاستىق كوميتەتٸنٸڭ 19-شى وتىرىسىنا قاتىسۋ ٷشٸن ەۋروپالىق پارلامەنت دەلەگاتسيياسىنىڭ قازاقستانعا الداعى ساپارىنىڭ ەگجەي-تەگجەيٸن تالقىلادى.
ٶز كەزەگٸندە ە.ەزٸموۆا ەۋروپا پارلامەنتٸنٸڭ قازاقستان بويىنشا تۇراقتى بايانداماشىسى كلەمەن گروشەلدٸ قر پرەزيدەنتٸنٸڭ «جاڭا قازاقستان: جاڭارتۋ جەنە جاڭعىرتۋ جولى» جولداۋىنىڭ ەرەجەلەرٸن ٸسكە اسىرۋ بويىنشا قر ٷكٸمەتٸمەن جەنە پارلامەنتٸمەن ٶز جۇمىسىنىڭ نەگٸزگٸ باعىتتارى تۋرالى ەگجەي-تەگجەيلٸ حاباردار ەتتٸ. تاراپتار ەۋروپالىق پارلامەنتتٸ قىزىقتىراتىن بارلىق مەسەلەلەر بويىنشا اقپارات الماسۋ ماقساتىندا ٶز كەڭسەلەرٸ اراسىنداعى تٸكەلەي ديالوگتى كٷشەيتۋگە كەلٸستٸ.
ەۋروپالىق پارلامەنتتٸڭ قۇقىقتىق مەسەلەلەر جٶنٸندەگٸ كوميتەتٸنٸڭ تٶراعاسى ادريان ۆازكەز-لازاردىڭ نازارى قازاقستاندىق بيلٸكتٸڭ ازاماتتىق, سوت جٷيەسٸن رەفورمالاۋ جەنە قر قۇقىق قورعاۋ ورگاندارىنىڭ قىزمەتٸ بويىنشا جاڭا قادامدارىنا اۋدارىلدى. ا.ۆازكەز-لازەرا سونداي-اق ە.ەزٸموۆانى ادام قۇقىقتارىن قورعاۋ سالاسىنداعى جەرگٸلٸكتٸ ورتالىقتاردىڭ قىزمەتٸمەن تانىسۋ ماقساتىندا يسپانيياعا جۇمىس ساپارىمەن كەلۋگە شاقىردى.
ٶز كەزەگٸندە ەۋروپالىق پارلامەنتتٸڭ سىرتقى ٸستەر جٶنٸندەگٸ كوميتەتٸنٸڭ جەنە ادام قۇقىقتارى جٶنٸندەگٸ كٸشٸ كوميتەتتٸڭ مٷشەسٸ ناچو سانچەز-امور ە.ەزٸموۆانىڭ «قاڭتار تراگەديياسىن» تەرگەۋ بارىسىندا قر ازاماتتارىنىڭ قۇقىقتارىن قورعاۋ جٶنٸندەگٸ كٷش-جٸگەرٸن جوعارى باعالادى. ول سونداي-اق قر پرەزيدەنتٸ ق.توقاەۆتىڭ قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل مەرتەبەسٸن ارتتىرۋ جەنە القا بيلەر سوتىنىڭ مانداتىن كەڭەيتۋ تۋرالى باستاماسىن قولدادى.
ەۋروپالىق پارلامەنتتٸڭ ەڭبەك جەنە ەلەۋمەتتٸك مەسەلەلەر جٶنٸندەگٸ كوميتەتٸنٸڭ ٶكٸلٸ اتيدجە اليەۆا-ۆەليمەن قر ەلەۋمەتتٸك-ەكونوميكالىق دامۋىنىڭ نەگٸزگٸ باعىتتارى بويىنشا, ونىڭ ٸشٸندە قر ٷكٸمەتٸنٸڭ كۆي پاندەميياسىنىڭ تەرٸس ەسەرٸن ەڭسەرۋ بويىنشا داعدارىسقا قارسى شارالاردى ٸسكە اسىرۋمەن, سونداي-اق قر ەرتٷرلٸ قالالارىنداعى قاڭتار وقيعالارى كەزٸندە كەلتٸرٸلگەن زالال بويىنشا پٸكٸر الماسۋ بولدى.
بريۋسسەلگە ساپارى اياسىندا ە.ەزٸموۆا بريۋسسەل باسپاسٶز كلۋبىنىڭ مٷشەلەرٸ مەن قوناقتارىنىڭ الدىندا جەكە بايانداما جاسادى. باسپاسٶز كونفەرەنتسيياسىنا قاتىسۋشىلاردىڭ ەرەكشە قىزىعۋشىلىعىن ادام قۇقىقتارى جٶنٸندەگٸ ۋەكٸلدٸڭ قاڭتارداعى وقيعالار مەنمەتٸنٸندەگٸ قر ازاماتتارىنىڭ قۇقىقتارىن قورعاۋ جٶنٸندەگٸ قىزمەتٸ تۋدىردى.
