ۇلىبريتانييا سىرتقى ٸستەر مينيسترٸ ليز تراسس
ۇلىبريتانييا سىرتقى ٸستەر مينيسترلٸگٸ 22 قاڭتاردا جارييالاعان مەلٸمدەمەسٸندە كرەملدٸڭ ۋكراينادا بيلٸككە رەسەيشٸل ساياساتكەردٸ ەكەلۋ وپەراتسيياسىن دايىنداپ جاتقانى ايتىلعان, دەپ حابارلايدى ازاتتىق.
"رەسەي بيلٸگٸ كيەۆتەگٸ ٶكٸمەت باسىنا رەسەيشٸل ساياساتكەردٸ ەكەلمەكشٸ ەكەنٸ جايلى اقپارات الدىق" دەپ جازىلعان مەلٸمدەمەدە. بۇعان قوسا رەسەي باسشىلىعى "ۋكرايناعا شابۋىلداپ, وككۋپاتسييالاۋ جٶنٸندە ويلانىپ وتىرعانى" ايتىلعان.
ۇلىبريتانييا سىرتقى ٸستەر مينيستەرٸ ليز تراسس بۇل اقپاراتتى قايدان العانىن ناقتىلامادى. وسى ەلدە شىعاتىن The Daily Mail تابلويدىنىڭ جازۋىنشا, كرەمل جوسپارى مي-6 ارنايى قىزمەتٸنە بەلگٸلٸ بولعان.
بيلٸكتەن ٷمٸتٸ بار كانديداتتاردىڭ بٸرٸ – جوعارعى رادانىڭ بۇرىنعى دەپۋتاتى ەرٸ ايماقتار پارتيياسىنىڭ بۇرىنعى مٷشەسٸ ەۆگەنيي مۋراەۆ. بريتان سىرتقى ٸستەر مينيسترلٸگٸ مەلٸمدەمەسٸندە سونىمەن بٸرگە رەسەيلٸك بارلاۋ ۋكراينالىق بٸرنەشە ٸرٸ ساياساتكەرمەن بايلانىستا ەكەنٸن ايتادى. ولار – بۇرىنعى پرەمەر-مينيستر نيكولاي ازاروۆ, بۇرىنعى ۆيتسە-پرەمەرلەر سەرگەي اربۋزوۆ پەن اندرەي كليۋەۆ, ۇلتتىق قاۋٸپسٸزدٸك جەنە قورعانىس كەڭەسٸ حاتشىسىنىڭ بۇرىنعى ورىنباسارى ۆلاديمير سيۆكوۆيچ.
ليز تراسس رەسەيدٸ جاعدايدى شيەلەنٸستٸرمەۋگە, ۋكرايناعا قارسى "اگرەسسييا ناۋقانى" مەن جالعان اقپارات تاراتۋدى دوعارۋعا شاقىردى.
وعان جاۋابىندا رەسەي سىرتقى ٸستەر مينيسترلٸگٸ ۇلىبريتانييانىڭ ٶزٸن جالعان اقپارات تاراتىپ وتىر دەپ ايىپتادى. مينيسترلٸك رەسمي تەلەگرام-كانالىندا بريتاندىق ەرٸپتەستەرٸن "ۇشقارى سٶز تاراتۋدى دوعارىپ, تاتار-موڭعول ەزگٸسٸ تاريحىن زەرتتەۋگە دەن قويۋعا" شاقىرعان.
فورين-وفيس مەلٸمدەمەسٸندە مەسكەۋ بيلٸگٸ ۋكراينا باسشىلىعىنا ەكەلگٸسٸ كەلەتٸن رەسەيشٸل كانديداتتىڭ بٸرٸ رەتٸندە اتاعان ەۆگەنيي مۋراەۆ "سترانا.ua" باسىلىمىنا بەرگەن كوممەنتارييٸندە كرەملدٸڭ جوسپارىنا قاتىسى بارىن تەرٸستەدٸ.
"مەدۆەدچۋكپەن ارازداسقانىما بايلانىستى 2018 جىلى رەسەي ماعان سانكتسييا سالعان. وتباسىمنىڭ ونداعى (رەسەيدەگٸ) اكتيۆتەرٸ بۇعاتتالعان. بريتان ارنايى قىزمەتٸ مەن فورين-وفيستٸڭ رەسەي مەنٸ "وككۋپاتسييالىق ٷكٸمەت" باسشىسى ەتٸپ تاعايىنداعىسى كەلەدٸ-مٸس دەگەنٸمەن مۇنىڭ قالاي قابىساتىنىن ميستەر بيننەن سۇراۋ كەرەك شىعار" دەپ جاۋاپ بەرگەن ول.
رەسەي ەسكەرٸ ۋكرايناعا باسىپ كٸرۋٸ مٷمكٸن دەگەن بولجامدار 2021 جىلدىڭ كٷزٸنەن بەرٸ تالقىلانىپ كەلەدٸ. باسپاسٶز قۇرالدارى رەسەي ۋكراينامەن شەكاراعا ەسكەرٸن شوعىرلاندىرىپ جاتقانىن حابارلاپ, رەسەي شابۋىلىنىڭ جوسپارى جايلى بولجامدار جارييالاعان. اقش پەن ەۋروپا ەلدەرٸ ەگەر رەسەي ەسكەرٸ ۋكراينا شەكاراسىنان ٶتەتٸن بولسا قاتاڭ سانكتسييا ەنگٸزۋگە ەزٸر ەكەنٸن مەلٸمدەگەن. مەسكەۋ سوعىسقا دايىندالىپ جاتپاعانىن, ەسكەردٸ جاتتىعۋ ٶتكٸزۋگە اپارعانىن ايتقان.
