«بوزجىرا» شاتقالىندا قۇرىلىس جۇمىستارى باستالادى, دەپ حابارلايدى قازاقپارات تٸلشٸسٸ. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە ماڭعىستاۋ وبلىسىنىڭ ەكٸمٸ سەرٸكباي ٶتەلگەنۇلى مەلٸم ەتتٸ.
«بارشاڭىزعا بەلگٸلٸ ماڭعىستاۋ – بۇل تۋريزمدٸ دامىتۋدىڭ بٸرەگەي ەلەۋەتٸ بار, كيەلٸ جەنە قاسيەتتٸ ورىندار, تابيعي جاۋھارلار, بٸرەگەي تۇرمىس جەنە عاسىرلىق دەستٷرلەر بار ٶلكە. سوندىقتان, ەكو, ەتنوتۋريزمدٸ دامىتۋدى دەرٸپتەۋ ماقساتىندا مەدەنيەت جەنە سپورت مينيسترلٸگٸمەن جەنە «Kazakh Tourism «ۇك» اق-مەن بٸرلەسٸپ تۋريستٸك باعىتتار ايقىندالعان بولاتىن», - دەدٸ ول.
ونىڭ ٸشٸندە «بوزجىرا» باعىتى بەلسەندٸ دامۋدا. وسى باعىتتى دامىتۋ ماقساتىندا ينۆەستور «TETHYS AKTAU IV» كومپانيياسى ۇسىنعان جوبالاردىڭ بٸرٸ قاراقييا اۋدانىنداعى ەتنواۋىل جوباسى بولىپ وتىر.
«باستاپقىدا ينۆەستور بوزجىرا شاتقالىنداعى جابايۇشقان قورىقشاسىنىڭ اۋماعىندا جوبانى ٸسكە اسىرۋدى ۇسىنعان بولاتىن.
الايدا, جوبانى جٷزەگە اسىرۋ ورنى ازاماتتىق قوعامنىڭ جاعىمسىز رەاكتسيياسىنا سەيكەس جەنە وسىعان بايلانىستى, مەملەكەت باسشىسىنىڭ تاپسىرماسىنا وراي قايتا قارالدى», - دەدٸ ول.
نەتيجەسٸندە ماڭعىستاۋ وبلىسى ەكٸمدٸگٸ مەدەنيەت جەنە سپورت, ەكولوگييا, گەولوگييا جەنە تابيعي رەسۋرستار مينيسترلٸكتەرٸمەن بٸرلەسٸپ, قوعام ٶكٸلدەرٸمەن, ارداگەرلەرمەن, ەكوقورعاۋشىلارمەن, عالىمدارمەن, ەكولوگييا, بيولوگييا سالاسىنداعى ساراپشىلارمەن بٸرقاتار كەڭەستەر مەن كەزدەسۋلەر ٶتكٸزٸپ, جوبانىڭ ٸسكە اسىرۋ ورنىن بوزجىرانىڭ «ازۋ» ايماعىنان 4 كم قاشىقتىقتا قاۋمالدان تىس جەردەن بەلگٸلەدٸ.
«سونداي-اق, ينۆەستور ينفراقۇرىلىمدى جٷرگٸزۋ بٶلٸگٸندە «جاسىل» تەحنولوگييالاردى قولداناتىن بولادى. ال, وبلىس ەكٸمدٸگٸ تاراپىنان بوزجىرا شاتقالىنا جەنە قاراۋ الاڭدارىنا دەيٸن اۆتوموبيل جولدارىنىڭ قۇرىلىسى قامتاماسىز ەتٸلەتٸن بولادى», - دەدٸ ول.
بٷگٸنگٸ كٷنٸ ينۆەستور توپىراقتىڭ گەولوگييالىق جاعدايلارىن انىقتاۋ ٷشٸن ينجەنەرلٸك-گەولوگييالىق ٸزدەستٸرۋ جۇمىستارىن جٷرگٸزدٸ جەنە قولدانىستاعى گرەيدەر جولى قالپىنا كەلتٸرۋ بويىنشا جوبالىق-سمەتالىق قۇجاتتاما ەزٸرلەنۋدە.
سونىمەن بٸرگە, جوعارىدا اتالعان جوبا بويىنشا «قازاقستان ەكوفورۋم» قاۋىمداستىعىنان قوعامدىق ەكولوگييالىق ساراپتاما الۋ كٷتٸلۋدە, ونىڭ شەڭبەرٸندە ۇسىنىمدار ينۆەستورعا جٸبەرٸلەتٸن بولادى.
