بوستاندىق اۋدانىندا الماتى قالاسىنىڭ ديزاين-كود تالاپتارىنا سەيكەس بٸرىڭعاي سەۋلەتتٸك كەلبەتتٸ قالىپتاستىرۋعا باعىتتالعان قالالىق باعدارلاما اياسىندا كٶپقاباتتى تۇرعىن ٷيلەردٸڭ قاسبەتتەرٸن جٶندەۋ جۇمىستارى جالعاسۋدا. ٶڭٸرلٸك كوممۋنيكاتسييالار قىزمەتٸ ۇيىمداستىرعان باسپاسٶز تۋرىندا جوبانىڭ جٷزەگە اسىرىلۋ بارىسىمەن جۋرناليستەردٸ بوستاندىق اۋدانى ەكٸمٸنٸڭ ورىنباسارى ميراس زەينولدين تانىستىردى, دەپ حابارلايدى ult.kz.
باعدارلاما اياسىندا بيىل اۋدان بويىنشا 67 كٶپقاباتتى تۇرعىن ٷيدٸڭ قاسبەتٸن جٶندەۋ جوسپارلانعان. جوبانىڭ نەگٸزگٸ ماقساتى – تۇرعىن ٷي قورىنىڭ سىرتقى كەلبەتٸن كەشەندٸ تٷردە جاڭارتۋ, كٶشەلەردٸڭ بٸرىڭعاي سەۋلەتتٸك كەلبەتٸن قالىپتاستىرۋ, قالالىق ورتانىڭ ەستەتيكالىق تارتىمدىلىعىن ارتتىرۋ جەنە تۇرعىنداردىڭ ٶمٸر سٷرۋ جاعدايىن جاقسارتۋ.
«الماتىدا قاسبەتتەردٸ جاڭارتۋ جۇمىستارى بيىلعى سەۋٸر ايىنان بەرٸ جٷرگٸزٸلٸپ جاتىر. العاشقى كەزەڭدە اباي داڭعىلى, سەتباەۆ, تيميريازەۆ كٶشەلەرٸ جەنە باسقا دا ماگيسترالدىق كٶشەلەر بويىندا ورنالاسقان ٷيلەر ٸرٸكتەلدٸ. ەربٸر عيمارات ٷشٸن ونىڭ تاريحي كەلبەتٸن ساقتاي وتىرىپ, جەكە ديزاين-جوبا ەزٸرلەنۋدە», – دەدٸ ميراس زەينولدين.
جٶندەۋ بارىسىندا قالانىڭ بەكٸتٸلگەن سەۋلەتتٸك تالاپتارىنا ساي كەلەتٸن زاماناۋي ەرٸ ۇزاق مەرزٸمگە تٶزٸمدٸ ماتەريالدار قولدانىلادى.ەرلەۋ جۇمىستارىنا ۇزاق ۋاقىت بويى ساپاسىن ساقتايتىن, بەرٸك ەرٸ تٶزٸمدٸ تراۆەرتين, گرانيت جەنە اليۋمينيي كومپوزيتتٸك پانەلدەر پايدالانىلادى.
قازٸرگٸ تاڭدا 47 كٶپقاباتتى تۇرعىن ٷيدە قۇرىلىس-مونتاج جۇمىستارى جٷرگٸزٸلٸپ جاتىر, ونىڭ ٸشٸندە تٶرت ٷيدٸڭ قاسبەتٸ تولىق جاڭارتىلدى. قاسبەتتەردٸ جٶندەۋمەن قاتار, جوبا اياسىندا عيماراتتارعا سەۋلەتتٸك جارىقتاندىرۋ ورناتۋ, بالكون ويىقتارىن, سەندٸك ەلەمەنتتەردٸ جەنە كٸرەبەرٸس توپتارىن جاڭارتۋ جۇمىستارى دا قاراستىرىلعان.
«باعدارلاما ٷيلەردٸڭ سىرتقى كەلبەتٸن جاڭارتۋمەن عانا شەكتەلمەي, ولاردىڭ پايدالانۋ مەرزٸمٸن ۇزارتۋعا دا باعىتتالعان. العاشقى نىساندار پايدالانۋعا بەرٸلگەننەن كەيٸن تۇرعىندار نەتيجەنٸ وڭ باعالاپ, بٷگٸندە كٶپتەگەن ازاماتتار ٶز ٷيلەرٸن باعدارلامانىڭ كەلەسٸ كەزەڭٸنە ەنگٸزۋدٸ سۇراپ جاتىر», – دەپ اتاپ ٶتتٸ اۋدان ەكٸمٸنٸڭ ورىنباسارى.
باعدارلامانى ٸسكە اسىرۋ نەتيجەسٸندە تۇرعىن ٷيلەردٸڭ سىرتقى كەلبەتٸ جاڭارتىلىپ قانا قويماي, اۋدان تۇرعىندارى ٷشٸن جايلى, زاماناۋي ەرٸ ەستەتيكالىق تارتىمدى قالالىق ورتا قالىپتاسادى.
