كوللاج: Ult.kz
مەجٸلٸس دەپۋتاتى مۇرات ەبەنوۆ شىمكەنتتە بولعان ەكٸ رەزونانستى وقيعاعا — نۇرايدىڭ ٶلٸمٸ جەنە 17 جاستاعى قىزدى الىپ قاشۋ وقيعاسىنا بايلانىستى پٸكٸر بٸلدٸردٸ, دەپ حابارلايدى Ult.kz.
دەپۋتاتتىڭ سٶزٸنشە "نەكەگە تۇرۋعا مەجبٷرلەۋ تۋرالى" جاڭا باپ قىركٷيەك ايىندا كٷشٸنە ەنگەن. زاڭ بويىنشا ۇرلاۋشى كٷش قولدانىپ, قانداي دا بٸر جاراقات سالسا 10 جىلعا دەيٸن باس بوستاندىعىنان ايىرىلۋى مٷمكٸن. سونىمەن قاتار قىز ۇرلاۋعا قاتىسى بار بارلىق ادام ٶز جازاسىن الۋى تيٸس دەپ وتىر ول.
"بوساعاعا جاتقان, ٷگٸتتەگەندەر دە جاۋاپكەرشٸلٸككە تارتىلۋى كەرەك. بۇل قىز زورلاۋمەن اياقتالعان بولسا, ول تٸپتٸ قىلمىسقا سىبايلاستىق. ول ەجەلەردٸ سوتقا تارتۋ كەرەك. ەلٸ كٷنگە دەيٸن نەگە ولار قاماۋعا الىنباي جاتقانىن تٷسٸنبەيمٸن. بۇل — توپتىق قىلمىس, وعان 8 جىلعا دەيٸن باس بوستاندىعىنان ايىرۋ جازاسى كٶزدەلگەن, ەرٸ قاتىسۋشىلاردىڭ بارلىعى قىلمىستىق جاۋاپكەرشٸلٸككە تارتىلۋى قاجەت", — دەگەن ەبەنوۆ بۇل قىلمىسقا توسقاۋىل بولماعان ادامداردى دا جاۋاپكەرشٸلٸككە تارتۋ قاجەت ەكەنٸن ايتتى.
مۇرات ەبەنوۆتىڭ ايتۋىنشا قازٸرگٸ ۋاقىتتا جىنىستىق زورلىق-زومبىلىقتىڭ جازاسى قىز الىپ قاشۋ ٸسٸنە قاراعاندا جەڭٸلٸرەك, سوندىقتان دەپۋتات ٶز تاراپىنان وسى زاڭدى قاتايتۋ بويىنشا باستاما كٶتەرەتٸنٸن جەتكٸزدٸ.
"قىز الىپ قاشۋعا — 10 جىلعا دەيٸن جازا قاراستىرىلعان, ال جىنىستىق زورلىق-زومبىلىق ٸسٸنە — 3 جىلدان 8 جىلعا دەيٸن. بۇل — ٷلكەن ولقىلىق. مەن جاۋاپكەرشٸلٸكتٸ كٷشەيتۋ باستاماسىن كٶتەرۋگە دايىنمىن. زورلاۋ — ەڭ اۋىر قىلمىستاردىڭ بٸرٸ. مەن بۇل مەسەلەنٸ پارلامەنتتەگٸ ەرٸپتەستەرٸممەن تالىقىلاۋعا شىعارىپ, قىلمىستىق زاڭنامانى ٶزگەرتۋگە كٷش سالامىن", — دەدٸ ول.
ەسكە سالا كەتەيٸك, شىمكەنتتە كەمەلەتكە تولماعان قىزدى بەيتانىس ەر ادام ەيەلدٸككە الىپ قاشىپ كەتكەن. ٷيٸنە ەكەلگەن سوڭ, وتباسىنداعى ەگدە جاستاعى ەيەلدەر ۇيالى تەلەفونىن تارتىپ الىپ, ٶز ەركٸمەن كەلگەنٸ تۋرالى قولحات جازعىزۋعا تىرىسقان. قىزدىڭ ايتۋىنشا, الىپ قاشقان ەر ادام ونى جىنىستىق قاتىناسقا تٷسۋگە مەجبٷرلەگەن. ارتىنشا ول قان بولعان سەيسەپتٸ الىپ كەتٸپ, باسقا بٶلمەدە وتىرعان جەڭگەلەرٸنەن سٷيٸنشٸ سۇراپ, تويلاتىپ كەتكەن.ٶز سٶزٸندە قىز قۇزىرلى ورگاندار ەشتەڭە ٸستەمەگەنٸن, ەشكٸمنٸڭ جاۋاپقا تارتىلماعانىن ايتىپ, شاعىمداندى.
وقي وتىرىڭىز: شىمكەنتتە 17 جاستاعى قىزدى الىپ قاشىپ زورلاعان: پوليتسييا ٸس قوزعادى
نۇراي سەرٸكبايدىڭ قازاسىنا قاتىستى توقتالعان دەپۋتات ستالكينگ جەنە كەمەلەت جاسىنا تولماعاندارعا تيٸسۋ جاعدايلارى جيٸ نازاردان تىس قالىپ قوياتىنىن ايتىپ وتىر. ونىڭ ايتۋىنشا ەلەۋمەتتٸك جەلٸلەردەگٸ قۋدالاۋ — قىلمىستىڭ العاشقى ساتىسى. كەيٸن ستالكينگ, ياعني جٷيەلٸ تٷردە اڭدۋ جەنە قۋدالاۋ ەرەكەتتەرٸ بولادى. شىمكەنتتە ستالكينگ دەرەگٸ تٸركەلگەنٸمەن, بۇل بويىنشا ەشكٸم جاۋاپكەرشٸلٸككە تارتىلماعان. ول ماڭىزدى ۋاقىت جوعالتىلدى دەپ ەسەپتەيدٸ.
"قىزدى قۇتقارۋعا بولار ەدٸ. نۇرايدى قاتتى ايايمىن. اتا-اناسى بٸرنەشە رەت قۇقىق قورعاۋ ورگاندارىنا جٷگٸنگەن, بٸراق شىمكەنت پوليتسيياسى ٶز ۋاقىتىندا شارا قولدانباعان", — دەپ قىنجىلدى مۇرات ەبەنوۆ.
ول سونداي-اق ستالكينگكە قاتىستى جاڭا زاڭنىڭ قىركٷيەك ايىندا كٷشٸنە ەنگەنٸن, بٸراق شىمكەنت قالاسى مەن تٷركٸستان وبلىسىندا تٷسٸندٸرۋ جەنە الدىن الۋ جۇمىستارى ٸس جٷزٸندە جٷرگٸزٸلمەي وتىرعانىن جەتكٸزدٸ.
"مەندە ولار وسى تٷسٸنٸكسٸز دەستٷرلەردٸ ٸشتەي قولدايتىنداي ەسەر قالىپتاسىپ وتىر", — دەدٸ ەبەنوۆ.
ەستە بولسا, 21 جاستاعى نۇراي سەرٸكباي 11 قاڭتاردا پىشاق جاراقاتىنان قازا تاپتى. ول 2024 جىلى تانىسقان 28 جاستاعى شەرحان ايماحاننىڭ ستالكينگٸنە تاپ بولىپ, وعان تۇرمىسقا شىعۋدان باس تارتقاننان كەيٸن بٸرنەشە رەت اڭدىلىپ, تەلەفون مەن ەلەۋمەتتٸك جەلٸلەر ارقىلى قىسىمعا ۇشىراعانى ايتىلدى. قىز پوليتسيياعا ارىز بەرگەنٸمەن, ورگاندار تيٸستٸ شارا قولدانباعان, سوڭىندا ول كٶپ قاباتتى ٷيدٸڭ الدىندا پىشاق جاراقاتىنان قازا بولدى.
