فوتو: weproject.media
استانا تۇرمىسقا جايلى شاھار بولۋى كەرەك. بۇل تۋرالى پرەزيدەنت قاسىم-جومارت توقاەۆ ەلوردانى دامىتۋ مەسەلەلەرٸ جٶنٸندەگٸ كەڭەس وتىرىسىندا ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«ەڭ الدىمەن, قالانى دامىتۋ تۇجىرىمداماسىن قايتا قاراعان جٶن. قازٸر استانادا ساياباقتار جەتٸسپەيدٸ. تۇرعىندار سەرۋەنگە شىعاتىن, دەمالاتىن ورىندار از.
بٸراق قالا ەكٸمدٸگٸ مۇنى ەسكەرمەي, قۇرىلىسقا رۇقسات بەرەدٸ. بوس تۇرعان جەرگە بٸردەن تۇرعىن ٷي سالىنادى. ساياباقتاردى, جاياۋ ادامعا ارنالعان كٶشەلەردٸ كٶبەيتۋ قاجەت. قالانى جوسپارلاعان كەزدە مۇنىڭ بەرٸن الدىن-الا ويلاستىرۋ كەرەك.
قازٸر ەسٸلدٸڭ جاعاسىنا دۇرىس كٶڭٸل بٶلٸنبەي وتىر. مىسالى, كٶرشٸ ەلدەگٸ قازان قالاسىنىڭ تەجٸريبەسٸن زەرتتەپ كٶرۋگە بولادى. بۇل قالانىڭ كٶشەلەرٸ, ساياباقتارى جەنە جاعالاۋ الاڭدارى ٶتە ەدەمٸ جەنە تارتىمدى. بٸزدٸڭ ماقساتىمىز – ەلوردامىزدى جىلدىڭ كەز كەلگەن مەزگٸلٸندە حالقىمىزعا جەنە شەتەل ادامدارىنا بارىنشا قولايلى ەتۋ, استانانىڭ كەلبەتٸن مەيلٸنشە جاقسارتۋ» - دەدٸ مەملەكەت باسشىسى.
سونداي-اق پرەزيدەنت كٶلٸك جٷرۋگە تىيىم سالىنعان كٶشەلەر جٶنٸندە مەسەلە قوزعادى.
«ٶزەنگە جاياۋ ادام جٷرەتٸن كٶپٸرلەر سالۋ كەرەك. مۇنداي ٶتكەل, ەسٸرەسە, قازٸر سالىنىپ جاتقان تەۋەلسٸزدٸك داڭعىلىنداعى كٶپٸردٸڭ ماڭايىنا قاجەت. كٶلٸك جٷرۋگە بولمايتىن كٶشەلەر جٶنٸندە تالاي رەت ايتىلدى. بٸراق قالادا ونداي بٸر دە بٸر كٶشە سالىنعان جوق.
جالپى, ەلەمدٸك تەجٸريبەدە دەل وسىنداي كٶشەلەر كٶپتەپ سالىنادى. بۇل مەسەلەنٸ مۇقييات ويلاستىرۋ كەرەك. بٸلٸكتٸ مامانداردى تارتىپ, وڭتايلى شەشٸم قابىلداۋعا بولادى. مىسالى, بٸزدە ەكسپو اۋماعى بار. بٸر قاراعاندا, ٶتە ەدەمٸ جەر. بٸراق قاڭىراپ بوس جاتىر.
شىن مەنٸندە, وعان جان بٸتٸرٸپ, جۇرت جاپپاي دەمالاتىن ورىنعا اينالدىرۋعا بولادى. قوعامدىق كەڭٸستٸكتٸ دامىتۋدىڭ بٸرىڭعاي تۇجىرىمداماسىن قابىلداعان جٶن. نىسانداردى جوبالاۋ جەنە سالۋ كەزٸندە وسى تۇجىرىمداماعا سٷيەنۋ قاجەتتٸگٸ زاڭدى تٷردە بەكٸتٸلۋگە تيٸس» - دەدٸ توقاەۆ.
مەملەكەت باسشىسىنىڭ سٶزٸنشە, ەلوردادا سالىنىپ جاتقان كەيبٸر عيماراتتار بٸر-بٸرٸمەن مٷلدە ٷيلەسپەيدٸ.
«بٸز قالانىڭ كەلبەتٸن ساقتاپ قالۋىمىز كەرەك. استانادا ەلەمنٸڭ ەڭ ٷزدٸك سەۋلەت ٷلگٸلەرٸ قولدانىلۋى كەرەك. بۇعان دەيٸن قالانىڭ بٸرىڭعاي ديزاين-كودى ەزٸرلەندٸ. بٸراق بۇل قۇجات قاعاز جٷزٸندە عانا قالدى.
سالىنىپ جاتقان كەيبٸر عيماراتتار بٸر-بٸرٸمەن مٷلدە ٷيلەسپەيدٸ. قالانىڭ وڭتٷستٸك-شىعىس اۋدانىندا سىرتقى سيپاتى سىن كٶتەرمەيتٸن, بەي-بەرەكەت سالىنعان نىساندار كٶپ.
«ارتەم» جەنە «تۇلپار» ساۋدا ورتالىقتارىنىڭ ماڭىن دا رەتكە كەلتٸرۋ كەرەك. ەكٸمدٸك ناقتى شارالار قابىلداۋعا تيٸس» - دەدٸ پرەزيدەنت.
ودان بٶلەك, قاسىم-جومارت توقاەۆ استانادا قالا كەلبەتٸن بۇزاتىن جارناما كٶبەيٸپ كەتكەنٸن دە سٶز ەتتٸ.
«تاعى بٸر مەسەلە بار. قالانىڭ كەلبەتٸن بۇزىپ تۇرعان الا-قۇلا جارنامالار ٶتە كٶپ. ونىڭ بەرٸ تالاپقا ساي بولۋى كەرەك. سونداي-اق قالادا ورىنسىز قۇرىلىس جۇمىستارى كٶبەيٸپ كەتتٸ, ياعني ٷيلەردٸڭ اراسىنا عيمارات سالىنا بەرەتٸن بولدى. بۇل ەسٸرەسە, «مىڭجىلدىق» اللەياسىندا, سارايشىق, سىعاناق, تۇران, بەيسەكوۆ كٶشەلەرٸندە قاتتى بايقالادى.
تۇرعىندارعا ەلەۋمەتتٸك نىسان, ساياباق نەمەسە ويىن الاڭى سالىنادى دەپ ۋەدە بەرٸلەدٸ. الايدا, ول جەردە يٸن تٸرەسكەن عيماراتتار پايدا بولادى. مىسالى, «وليمپ پالاس-2» تۇرعىن-ٷيٸنٸڭ اۋلاسىنداعى ويىن الاڭىنىڭ ورنىنا زەۋلٸم كەڭسە سالىنعان.
مۇنداي قۇرىلىستى بٸرجولا دوعارۋ كەرەك. ەيتپەسە, شەشٸم قابىلداعان تيٸستٸ لاۋازىم يەلەرٸ جەمقورلىققا بايلانىستى جاۋاپقا تارتىلادى. سەبەبٸ وسىنداي شەشٸمدەردٸڭ استارىندا قۇرىلىس كومپانييالارىنىڭ ەكٸمدٸكتە جۇمىس ٸستەيتٸن ادامدارمەن بٸرگە ازاماتتارىمىزدىڭ ىقىلاسىنا قارسى قابىلداعان ەرەكەتتەرٸ جاتىر» - دەدٸ مەملەكەت باسشىسى كەڭەس وتىرىسىندا.
