سۋرەت اشىق دەرەككٶزدەن الىندى
بولات نازارباەۆ "بارىس" اۆتوبازارىنان ايىرىلۋى مٷمكٸن. بۇل تۋرالى "پياتىي رەگيون" حابارلادى, - دەپ جازادى Tengrinews.kz.
باسىلىمنىڭ مەلٸمەتٸنشە, قاراساي اۋدانىنىڭ سوتىندا پروكۋراتۋرا, جەرگٸلٸكتٸ ەكٸمدٸك جەنە بولات نازارباەۆ اراسىندا سوت پروتسەسٸ جٷرٸپ جاتىر.
"قاراساي اۋدانىنىڭ پروكۋراتۋراسى جالپى كٶلەمٸ 35 گەكتاردان اساتىن جەر تەلٸمدەرٸن ساتۋ كەلٸسٸم-شارتتارىن جارامسىز دەپ تانۋىن تالاپ ەتەدٸ. ونىڭ سەبەبٸ قاراپايىم: بۇل ۋچاسكەلەر اۋىل شارۋاشىلىعى جەرلەرٸنە تيەسٸلٸ "سۋارمالى ەگٸستٸك" بولعان, ال جەر كودەكسٸنە سەيكەس اۋىل شارۋاشىلىعى جەرلەرٸ ەرەكشە قورعاۋعا جاتادى. بەلگٸلەنگەن ماقساتتى دەلەلدٸ سەبەپسٸز ٶزگەرتۋگە جول بەرٸلمەيدٸ", - دەپ جازادى "پياتىي رەگيون".
باق جەردٸ بەرۋ دەرەگٸ ٶرەسكەل زاڭبۇزۋشىلىقپەن جٷرگٸزٸلگەنٸن باسا ايتادى. سوندىقتان پروكۋرورلار ساتىپ الۋ-ساتۋ كەلٸسٸمدەرٸن جارامسىز دەپ تانىپ, مەملەكەت بالانسىنا قايتارۋدى تالاپ ەتكەن.
2004-2019 جىلدار ارالىعىندا جەر تەلٸمدەرٸن ساتۋ بويىنشا 7 كەلٸسٸم-شارت جاسالعان. مەملەكەتتٸك جەرلەردٸ ەر ۋاقىتتا قاراساي اۋدانى, قاسكەلەڭ قالاسى ەكٸمدٸگٸ جەنە اۋداندىق جەر قاتىناستارى بٶلٸمٸ بەرگەن.
