بوكستان قازاقستان ەيەلدەر قۇراماسى باە-دە ٶتكەن ازييا چەمپيوناتىندا مەدالدار ەسەبٸندە ٷزدٸك بولدى. قازاقستاندىق سپورتشىلار ون سالماقتىڭ سەگٸزٸندە بٸرٸنشٸ ورىن الدى, - دەپ حابارلايدى Vesti.kz.
قازاقستانعا العاشقى التىن مەدالدٸ الۋا بالقىبەكوۆا (48 كەلٸگە دەيٸن) ەكەلدٸ, كەيٸن نازىم قىزايباي (51 كەلٸگە دەيٸن) فينالدا جەڭدٸ.
دينا جولامان (54 كەلٸگە دەيٸن) ەل قورجىنىنا ٷشٸنشٸ "التىندى" سالدى, ال ۆلاديسلاۆا كۋحتا (57 كەلٸگە دەيٸن) كٷمٸس مەدال ەنشٸلەدٸ.
تاعى بٸر التىن مەدالدٸ ريمما ۆولوسەنكو (60 كەلٸگە دەيٸن) جەڭٸپ الدى, ول جەكپە-جەكتٸ مەرزٸمٸنەن بۇرىن اياقتادى.
64 كەلٸگە دەيٸنگٸ سالماقتا ٶنەر كٶرسەتەتٸن ميلانا سافرونوۆا دا جەڭٸسكە جەتتٸ. قۇراماداعى ەرٸپتەستەرٸنٸڭ جەتٸستٸگٸن ۆالەنتينا حالزوۆا دا (69 كەلٸگە دەيٸنگٸ) قايتالادى.
جوعارى مەرتەبەلٸ تاعى ەكٸ مەدالدٸ اۋىر سالماقتاعى سپورتشىلار جەڭٸپ الدى. فاريزا شولتاي 81 كەلٸگە دەيٸنگٸ سالماقتا چەمپيون اتانسا, كەيٸن لەززات كٷنگەيباەۆا (81 كەلٸدەن جوعارى) ٶز سالماعىندا توپ جاردى.
قالعان ەكٸ التىندى ٶزبەكستان مەن ٷندٸستان سپورتشىلارى بٶلٸستٸ.
بٷگٸن, 31 مامىردا بوكستان ازييا چەمپيوناتىنىڭ ەرلەر اراسىنداعى فينالىندا التى قازاقستاندىق سپورتشى سىنعا تٷسەدٸ.
