يوردانييا استاناسى اممان قالاسىندا ٶتٸپ جاتقان بوكستان جاستار مەن جاسٶسپٸرٸمدەر اراسىنداعى ازييا چەمپيوناتىندا تاعى بٸر التىن مەدال قورجىنعا تٷستٸ, دەپ حابارلايدى قازاقپارات.
ەل قۇراماسىنان كۇرالاي ەگٸنبايقىزى (80 كەلٸ) ٷندٸستاندىق حۋشي پۋنييامەن قولعاپ تٷيٸستٸردٸ. شارشى الاڭ تٶرٸندە قازاقستاندىق بوكسشىنىڭ باسىمدىعى بايقالىپ تۇردى. نەتيجەسٸندە تٶرەشٸلەر شەشٸمٸمەن ول قارسىلاسىن 4:1 ەسەبٸمەن تٸزە بٷكتٸردٸ.
ەسكە سالساق, قۇرلىقتىق دودادا 66 كەلٸدە سىنعا تٷسكەن ارۋجان جاڭاباەۆا يوردانييالىق نۋحا ال-زۋبيدٸڭ وسال تۇسىن تاپتى.
ايتا كەتسەك, بۇعان دەيٸن كارينا توكۋباي (50 كەلٸ) ٷندٸستاندىق ۆينيگە, ۇلدانا تاۋباي (60 كەلٸ) ٷندٸستاندىق نيكيتا چاندقا, نۇرسۇلۋ سٷيٸنەلٸ (63 كەلٸ) ٷندٸستاندىق شرۋشتي ساچينگە, روكسولونا ۆاليەۆا (70 كەلٸ) ٶزبەكستاندىق ويشا تويروۆاعا, شۇعىلا نەلٸباي (75 كەلٸ) ٷندٸستاندىق رۋدريكا جول بەرٸپ قويدى.
