بٷگٸن رەسەيدٸڭ ەكاتەرينبۋرگ قالاسىندا ٶتٸپ جاتقان بوكستان ەلەم چەمپيوناتىندا قازاقستان قورجىنىنا ٷشٸنشٸ قولا مەدال تٷستٸ, دەپ حابارلايدى "ۇلت اقپارات".
91 كەلٸ سالماقتا ەل نامىسىن قورعاعان ريو وليمپياداسىنىڭ كٷمٸس جٷلدەگەرٸ قازاقستاندىق ۆاسيليي لەۆيت قولا مەدال يەگەرٸ اتاندى.
ول جارتىلاي فينالدا ەكۆادورلىق حۋليو كاستيلونى بۇرىشتان-بۇرىشقا قۋالاپ, اۋىر سوققىلاردىڭ استىنا الدى. جەكپە-جەك اياقتالعاندا جەرلەسٸمٸز ٶزٸنٸڭ جەڭٸسٸنە سەنٸمدٸ بولدى. الايدا, كٷتپەگەن جەردەن تٶرەشٸلەر جەڭٸستٸ 2:3 ەسەبٸمەن قارسىلاسىنىڭ قولىن كٶتەردٸ.
وسىلايشا ٷشٸنشٸ قازاقستاندىق بوكسشى ەلەم چەمپيوناتىن قولا مەدالمەن اياقتادى.
ەستەرٸڭٸزگە سالا كەتەيٸك, وسىعان دەيٸن 52 كەلٸ سالماقتا سەكەن بيبوسىنوۆ پەن 75 كەلٸ سالماقتا تۇرسىنباي قۇلاحمەت قولا مەدال جەڭٸپ العان بولاتىن.
جالپى, بوكستان ەلەم چەمپيوناتىنىڭ جارتىلاي فينالىنا 6 بوكسشىمىز شىققان. ەندٸ كەشكٸ سەسسييادا ابىلايحان جٷسٸپوۆ (69) رەسەي قۇراماسىنىڭ كاپيتانى اندرەي زامكوۆپەن جەكپە-جەككە شىقسا, بەكزات نۇردەۋلەتوۆ (81) تٶرت دٷركٸن ەلەم چەمپيونى كۋبالىق حۋليو سەزار لا كرۋزبەن جۇدىرىقتاسادى. سونداي-اق, جارىس كٷنٸنٸڭ سوڭىندا قازاقستان قۇراماسىنىڭ كاپيتانى قامشىبەك قوڭقاباەۆ (91 كەلٸدەن اسا) اۋسترالييالىق يۋستيس حۋنيمەن فينالدىق ايقاسقا تٷسەدٸ.
