قازاقستاندىق فايتەر جالعاس جۇماعۇلوۆتىڭ (14-6) انگولالىق مانەل كاپەمەن (17-6) ٶتكٸزگەن ايقاسى ٷشٸن الاتىن گونورارى بەلگٸلٸ بولدى, دەپ حابارلايدى قازاقپارات Sports.kz-كە سٸلتەمە جاساپ.
لاس-ۆەگاستا (اقش) ٶتكەن UFC on ESPN 31 تۋرنيرٸندە جۇماعۇلوۆ كاپەدەن بٸرٸنشٸ راۋندتا تەحنيكالىق نوكاۋتپەن جەڭٸلدٸ. وسى جەكپە-جەك ٷشٸن جالعاس 24 500 دوللار (20 000 دوللار – وكتاگونعا شىققانى ٷشٸن, 4 500 دوللار – ىتالاندىرۋ بونۋسى) الدى.
ايتا كەتەيٸك, جالعاس جۇماعۇلوۆ ٷشٸن بۇل ايقاس - UFC-دەگٸ ٷشٸنشٸ جەڭٸلٸسٸ. وعان دەيٸن ول تٶرەشٸلەردٸڭ بٸراۋىزدان قابىلداعان شەشٸمٸمەن برازيلييالىق راۋليان پايۆە (21-3) مەن شۆەد بوكسشىسى امير البازيدەن (14-1) جەڭٸلٸپ قالعان بولاتىن. جۇماعۇلوۆ ٶزٸنٸڭ جالعىز جەڭٸسٸنە امەريكالىق دجەروم ريۆەرامەن (10-6) بولعان جەكپە-جەكتە قول جەتكٸزگەن ەدٸ.
