كەسٸپقوي رينگتە جەڭٸلٸپ كٶرمەگەن قازاقستاندىق بوكسشى بوبيرجان مومىنوۆتىڭ (12-0, 8 كو) كەزەكتٸ جەكپە-جەگٸنٸڭ داتاسى بەلگٸلەندٸ, دەپ حابارلايدى "ۇلت اقپارات" Sports.kz-كە سٸلتەمە جاساپ.
BoxRec.com. اقپاراتى بويىنشا, بوبيرجان 27 ناۋرىزدا ەكاتەرينبۋرگتە (رەسەي) ٶتەتٸن بوكس كەشٸنە قاتىسۋشىلاردىڭ بٸرٸ بولادى. ول جارتىلاي ورتا سالماقتاعى IBF Baltic بوس چەمپيونى اتاعى ٷشٸن ۋكراينانىڭ جەڭٸلٸپ كٶرمەگەن ٶكٸلٸ ەدۋارد سكاۆينسكييمەن (13-0, 7 كو) كەزدەسەدٸ. جەكپە-جەكتٸڭ فورماتى – ون راۋند.
مومىنوۆتىڭ سوڭعى ايقاسى 2020 جىلدىڭ 27 قىركٷيەگٸندە قازاندا (رەسەي) ٶتكەن ەدٸ. وندا ول تٶرەشٸلەردٸڭ كٶپشٸلٸك داۋسىمەن رەسەيلٸك ۆاگيناك تامرازياننان (17-8, 5 كو) باسىم بولىپ, جارتىلاي ورتا سالماقتاعى IBF Eurasia چەمپيونى بوس اتاعىن جەڭٸپ الدى.
سكاۆينسكيي ٶزٸنٸڭ الدىڭعى جەكپە-جەگٸن 12 قىركٷيەكتە سول ەكاتەرينبۋرگتە ٶتكٸزدٸ – ول بەلارۋس دميتريي اتروحوۆتى (16-8, 7 كو) جەڭگەن بولاتىن.
