ەۋرووداق بيلٸگٸ سانكتسيياعا ٸلٸنگەن ٸرٸ رەسەيلٸك كەسٸپكەرلەردٸڭ اكتيۆتەرٸن سوعىس اياقتالعان سوڭ ۋكراينانى قالپىنا كەلتٸرۋگە جۇمساۋ مٷمكٸندٸگٸن تالقىلاپ جاتىر. بۇل جٶنٸندە ٷش دەرەككٶزگە سٷيەنگەن Bloomberg اگەنتتٸگٸ جازدى, دەپ حابارلايدى ازاتتىق.
باسىلىمنىڭ جازۋىنشا, بۇل باستاما جاڭادان تالقىلانا باستاعان. ەزٸرگە تٷپكٸلٸكتٸ شەشٸم قابىلدانباعان.
دەرەككٶزدەردٸڭ ايتۋىنشا, بۇعاتتالعان رەسەي اكتيۆتەرٸن ەسكەري رەپاراتسييا رەتٸندە ٶندٸرٸپ الۋ مەسەلەسٸ جوعارىدا اتالعان يدەيانى جٷزەگە اسىرۋدىڭ بٸر جولى رەتٸندە ۇسىنىلعان.
24 اقپاندا رەسەي ۋكرايناعا باسىپ كٸرگەلٸ بەرٸ ەو جەنە ٶزگە ەلدەر مەسكەۋگە سانكتسييا سالعان.
وسىلايشا رەسەي ەلەمدە سانكتسييا ەڭ كٶپ سالىنعان مەملەكەت رەتٸندە تانىلىپ وتىر. Castellum.ai دەرەگٸنشە, بۇل تۇرعىدان ول يران مەن سولتٷستٸك كورەيادان دا "باسىپ وزعان". 24 اقپاننان بەرٸ مەسكەۋگە سالىنعان سانكتسييالار سانى قىرىم اننەكسيياسى, سولسبەريدەگٸ ۋلاۋ جەنە اقش-تاعى سايلاۋعا كيلٸگۋگە بايلانىستى سالىنعان سانكتسييالاردى قوسا العانداعى كٶرسەتكٸشتەن كٶپ.
شەكتەۋلەر ٶزگە شارالارمەن قاتار ٸرٸ رەسەيلٸك كەسٸپكەرلەردٸڭ شەتەلدەگٸ اكتيۆتەرٸن بۇعاتتاۋدى دا كٶزدەيدٸ. سانكتسيياعا ٸلٸنگەندەر اراسىندا "سەۆەرستال" باسشىسى الەكسەي مورداشەۆ, "روسنەفت" جەتەكشٸسٸ يگور سەچين, "USM Holding" ەلٸشەر وسمانوۆ جەنە ٶزگە دە وليگارحتار بار.
Bloomberg'تٸڭ جازۋىنشا, بٸر عانا يتالييا رەسەيلٸك كەسٸپكەرلەردٸڭ قۇنى شامامەن 780 ملن ەۋرو (92 ملرد رۋبل) بولاتىن اكتيۆٸن بۇعاتتاعان.
اقش باتىس ەلدەرٸندە رەسەي ەليتاسىنىڭ اكتيۆتەرٸن ٸزدەپ, تۇتقىندايتىن حالىقارالىق توپ قۇردى. وعان اۆسترالييا, يتالييا, ۇلىبريتانييا, كانادا, جاپونييا, گەرمانييا, فرانتسييا, ەۋروكوميسسييا ٶكٸلدەرٸ كٸرگەن.
