فوتو: egemen.kz
قازاقستاندا بلوگەرلەرگە قاتىستى سالىقتىق تەكسەرۋلەر كٷشەيٸپ جاتىر. بۇل تۋرالى قارجى ۆيتسە-مينيسترٸ ەرجان بٸرجانوۆ مەلٸمدەدٸ, دەپ حابارلايدى Ult.kz.
ونىڭ ايتۋىنشا, تەكسەرۋلەر باستالعالى بەرٸ سالىق ورگاندارى 854 بلوگەرگە تابىستى تٶمەندەتٸپ كٶرسەتۋ فاكتٸلەرٸ بويىنشا 72 ميلليارد تەڭگەگە قاتىستى 1 586 حابارلاما جولداعان.
قازٸرگٸ تاڭدا ولاردىڭ 622-سٸ قوسىمشا سالىق دەكلاراتسيياسىن تاپسىرىپ, تابىستارىن 18,3 ميلليارد تەڭگەگە ارتتىرعان. نەتيجەسٸندە بيۋدجەتكە قوسىمشا 1 ميلليارد تەڭگەگە جۋىق سالىق تٶلەنگەن. سونىمەن قاتار, تاعى شامامەن 600 ميلليون تەڭگە تٶلەۋ مٸندەتتەلگەن.
ۆيتسە-مينيستردٸڭ سٶزٸنشە, قازٸرگٸ ۋاقىتتا 7 بلوگەرگە قاتىستى تەكسەرۋ جالعاسىپ جاتىر. ولارعا قوسىمشا ەسەپتەلگەن سالىق كٶلەمٸ 10 ميلليون تەڭگەدەن اسادى.
«ەگەر تەكسەرۋ نەتيجەسٸندە انىقتالعان سومالار ەرٸكتٸ تٷردە تٶلەنبەسە جەنە كٶلەمٸ ايتارلىقتاي بولسا, ماتەريالدار قۇقىق قورعاۋ ورگاندارىنا جولدانادى», – دەدٸ بٸرجانوۆ ٷكٸمەتتەگٸ بريفينگتە.
شەنەۋنٸك سالىق قۇپيياسىنا بايلانىستى ناقتى ەسٸمدەردٸ اتاۋدان باس تارتتى.
ايتا كەتەيٸك, 2024 جىلدىڭ اقپانىندا دا قازاقستاندىق بلوگەرلەرگە جاپپاي سالىقتىق حابارلامالار جٸبەرٸلگەن بولاتىن. سول كەزدە 594 ادام تابىسىن 53,3 ميلليارد تەڭگەگە تٶمەندەتٸپ كٶرسەتكەنٸ انىقتالعان.
