فوتو: christiananderl.com
قازاقستاندىق بلوگەرلەر سالىق تٶلەۋگە مٸندەتتەلەدٸ جەنە جالعان اقپارات ٷشٸن جاڭا ايىپپۇل ەنگٸزٸلەدٸ. مەجٸلٸس "ونلاين-پلاتفورمالار جەنە ونلاين-جارناما تۋرالى" زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى Sputnik قازاقستان.
زاڭ جوباسىنا پارلامەنت دەپۋتاتتارى باستاماشى بولعان. مەجٸلٸس دەپۋتاتى ايدوس سارىمنىڭ ايتۋىنشا, زاڭ جوباسىندا ونلاين جارناما, ينفليۋەنسەر جەنە جالعان اقپارات ۇعىمدارى ەنگٸزٸلگەن.
"وسى كەزگە دەيٸن بٸز دەستٷرلٸ جارنامانى جاقسى بٸلەمٸز. تەلەديداردى قوسساق, ايقىن كٶرٸپ وتىرامىز, گازەت-جۋرنالداردى اشساق تا, جارناما انىق كٶرٸنٸپ تۇرادى. بٸزدٸڭ ويىمىزشا, ازاماتتاردىڭ قۇقىعىن قورعاۋ ٷشٸن, ولار الدانباۋ ٷشٸن, ەرتەڭ قارجىلىق پيراميداعا تاپ بولماۋ ٷشٸن ەلەۋمەتتٸك جەلٸدەگٸ جارنامانى دا, دەمەۋشٸلٸك كونتەنتتٸ دە ايقىن كٶرسەتۋٸمٸز كەرەك. ەلەمدٸك تەجٸريبەدە بۇل بار. ول بلوگەرلەردەن, ينفليۋەنسەرلەردەن وسىنى تالاپ ەتەدٸ", - دەدٸ سارىم مەجٸلٸستٸڭ جالپى وتىرىسىندا زاڭ جوباسىن تانىستىرىپ.
سونداي-اق ينتەرنەت ارقىلى تابىس تاباتىن بلوگەرلەر ەندٸ سالىق تٶلەۋگە مٸندەتتەلەدٸ.
"شەتەلدٸڭ ماقالى بار: كەز كەلگەن ادام ٶلٸم مەن سالىقتان قۇتىلا المايدى دەگەن. ولاي بولسا, بٸزدٸڭ زامانداستارىمىز دا, جۋرناليستەرٸمٸز دە ايتىپ وتىر: نەگە بٸز بارلىعى ٷشٸن سالىق تٶلەيمٸز, ال ينتەرنەتتە ميللياردتاپ, ميلليونداپ اقشا جيناپ جاتقان ازاماتتار مەملەكەتتٸك قازىناعا بٸر تيىن دا قۇيمايدى دەگەن مەسەلەنٸ قويىپ وتىر. وسى سەبەپتٸ بٸز بلوگەر, ينفليۋەنسەر دەگەن ۇعىمدى ەنگٸزدٸك. وسى سەبەپتٸ دە جارنامانىڭ سان الۋان تٷرلەرٸن زاڭعا بەكٸتٸپ, الداعى ۋاقىتتا مۇنىڭ بارلىعى, ەڭ الدىمەن كەسٸپكەرلٸك كودەكسكە جەنە جىل سوڭىندا كەلەتٸن سالىق كودەكسٸنە ەنٸپ, سۇر ەكونوميكادا جٷرگەن دٷنيەنٸڭ بارلىعىن اشىق الاڭعا شىعارۋ, مەملەكەت قازىناسىن تولتىرۋعا پايدالانۋ قاجەت دەپ ەسەپتەيمٸز", - دەدٸ مەجٸلٸسمەن.
ونىڭ ايتۋىنشا, بٷگٸندە جارنامانىڭ الپىس پايىزى ينتەرنەت سالاسىنا كەتٸپ جاتىر. بۇل قازٸرگٸ تاڭدا تريلليونداعان اقشا بولۋى ىقتيمال. زاڭ جوباسىنداعى تاعى بٸر جاڭاشىلدىق – جالعان اقپارات ٷشٸن سالىناتىن ايىپپۇل.
"باستى مەسەلەنٸڭ بٸرٸ – بٸز جالعان اقپارات دەگەن ۇعىمدى ەنگٸزٸپ وتىرمىز. بۇل بٸزدٸڭ زاڭنامانى جارتىلاي دەكريميناليزاتسييالاۋ دەپ ەسەپتەيمٸز, سەبەبٸ بارلىق مەسەلەنٸ سوت ارقىلى شەشۋ كەرەك جەنە ونىڭ ٸشٸندە ايىپپۇلدار بولۋى كەرەك. ادام قاساقانا ەمەس, قاتەلەسٸپ كەتسە, باسقا دا جاعداياتتار بولسا, جالعان اقپاراتى كٶپ زييان تيگٸزبەسە, وندا 20 اەك (69 000 تەڭگە) مٶلشەرٸندە ايىپپۇل تٶلەيدٸ. ەگەر دەل وسى ەرەكەتتٸ قايتالاسا, ايىپپۇل ەكٸ ەسەلەنەدٸ. زاڭدى تۇلعالارعا دا وسىنداي تيٸستٸ باسپالداق بار", - دەپ تٷسٸندٸردٸ سارىم.
مەجٸلٸس دەپۋتاتتارى اتالعان زاڭ جوباسىن بٸرٸنشٸ وقىلىمدا ماقۇلدادى.
