© Photo : Unsplash
5 قىركٷيەكتەن باستاپ بەلگٸلٸ تۇلعالار تيٸستٸ كەلٸسٸمشارتسىز قايىرىمدىلىققا شاقىرا المايدى. مۇنداي نورما ۆولونتەرلٸك قىزمەت جەنە قايىرىمدىلىق مەسەلەلەرٸ جٶنٸندەگٸ زاڭناماعا ەنگٸزٸلگەن تٷزەتۋلەردە قاراستىرىلعان, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسى بارىسىندا مەجٸلٸس دەپۋتاتى ۆەرا كيم وسى ۋاقىتقا دەيٸن قازاقستاندا بلوگەرلەر مەن جۇلدىزداردىڭ قايىرىمدىلىق قىزمەتٸ بويىنشا نورمالاردىڭ رەتتەلمەگەنٸن ايتتى.
"جۇلدىزدار مەن بلوگەرلەر قايىرىمدىلىققا اقشا جيناۋ تۋرالى كەلٸسٸمشارت جاساسۋعا تيٸس بولادى. ەگەر بلوگەر نەمەسە جۇلدىز قايىرىمدىلىق ۇيىم اتىنان شاقىرسا, سول ۇيىممەن كەلٸسٸمشارت جاساسۋعا تيٸس. ال ەگەر ول كٶمەككە مۇقتاج ادامعا تٸكەلەي اقشا جيناسا, وندا مۇقتاج اداممەن كەلٸسٸمشارت كەرەك", – دەدٸ مەجٸلٸس دەپۋتاتى.
اقپارات جەنە قوعامدىق دامۋ مينيسترلٸگٸ ازاماتتىق قوعام ٸستەرٸ كوميتەتٸنٸڭ تٶراعاسى مادييار قوجاحمەت مەديا تۇلعالار شارتتاردى ەلەمەگەن جاعدايدا ولاردىڭ قىزمەتٸ "الاياقتىق" نەمەسە "ۇرلىق" قىلمىستىق بابىنا بويىنشا قاراستىرىلۋى مٷمكٸن ەكەنٸن تٷسٸندٸردٸ.
"بلوگەر قاراجات جيناپ, ٶزٸنٸڭ قىزمەتٸ ٷشٸن 10% ۇستايتىنىن سٶز جٷزٸندە ەسكەرتكەن جاعدايلار بولدى. ال مۇقتاج ادام بۇل تۋرالى ەستٸمەي قالعاننان كەيٸن ەكٸ ارادا داۋ تۋىنداعان. قازٸر بٸز سالىق قىزمەتتەرٸندە دە, قۇقىق قورعاۋ ورگاندارىندا دا مەسەلە تۋىنداماۋى ٷشٸن الىم سۇرايتىن ادامدار مەن الىم جاسايتىندار اراسىنداعى قىزمەتتٸ زاڭداستىردىق", – دەپ تٷسٸندٸردٸ مادييار قوجاحمەت.
بۇعان دەيٸن قايىرىمدىلىق ۇيىمدارى مەن جەكە تۇلعالار قايىرىمدىلىق قىزمەتٸ بويىنشا كٸرٸستەر مەن شىعىستار تۋرالى جىلىنا بٸر رەت ەسەپ بەرۋگە مٸندەتتٸ ەكەنٸ حابارلانعان بولاتىن.
پرەزيدەنت بيىل 4 شٸلدەدە "ەرٸكتٸلەر قىزمەتٸ, قايىرىمدىلىق, مەملەكەتتٸك ەلەۋمەتتٸك تاپسىرىس, ٷەۇ-عا ارنالعان گرانتتار مەن سىيلىقاقى مەسەلەلەرٸ جٶنٸندەگٸ" زاڭعا قول قويدى. ول 5 قىركٷيەكتەن باستاپ كٷشٸنە ەنەدٸ.
