فوتو: kompromat1.online
رەسەيدە ادامدارعا «ارمانداۋدى ٷيرەتەتٸن» ونلاين كۋرس ساتقان بلوگەر ەلەنا بلينوۆسكايا 5 جىلعا سوتتالدى. 43 جاستاعى بلوگەر سالىق تٶلەۋدەن جالتارعان, دەپ حابارلايدى Ult.kz.
سوت باس بوستاندىعىنان ايىرۋ جازاسىنان بٶلەك, بلوگەرگە 1 ملن رۋبل ايىپپۇل سالىپ, تٶرت جىل كوممەرتسييالىق قىزمەتپەن اينالىسۋعا شەكتەۋ قويدى. ودان بٶلەك بلينوۆسكايادان مەملەكەت پايداسىنا 587 ملن رۋبل ٶندٸرٸپ الۋ تۋرالى شەشٸم قابىلدانعان.
جالپى رەسەيدە سالىقتان جالتارعان بٸرنەشە بلوگەرگە قاتىستى قىلمىستىق ٸس قوزعالدى. ولاردىڭ اراسىندا بلوگەر ۆالەرييا چەكالينا مەن ونىڭ كٷيەۋٸ ارتەم چەكالين دە بار.
ال بيزنەس جاتتىقتىرۋشى, تانىمال بلوگەر اياز شابۋدتينوۆ الاياقتىقپەن اينالىستى دەپ قاماۋعا الىندى. ول 10 جىلعا دەيٸن باس بوستاندىعىنان ايىرىلۋى مٷمكٸن.
