قازاقستاندىق بلوگەر ولجاس قايرات ەكٸباستۇزدان ۆيدەو ٷندەۋ جولدادى, - دەپ حابارلايدى Tengrinews.kz اگەنتتٸگٸ.
Instagram جەلٸسٸندە @oljaskhan لاقاپ اتىمەن تانىمال بلوگەر قازٸر تۋعان جەرٸ ەكٸباستۇزدا جاعدايدىڭ قالاي ەكەنٸن كٶرسەتتٸ. ونىڭ ايتۋىنشا, ەلەۋمەتتٸك جەلٸلەر مەن جاڭالىقتاردا اپاتتىڭ تەك كەلەڭسٸز تۇستارى كٶرسەتٸپ, ايازدا تۇرعىندارعا كٶمەك كٶرسەتٸپ جٷرگەندەردٸڭ ەرلٸكتەرٸ ايتىلماي جاتىر.
"ەڭ ٶكٸنٸشتٸسٸ, 30 گرادۋس ايازدا كٶشەدە ساعاتتاپ تۇرعان ەر ازاماتتارىمىزدىڭ ەرلٸكتەرٸن ەشكٸم ايتپايدى. قولدارى مۇزداپ, ٷيدە كٷتٸپ وتىرعان بالالارى مەن ەيەلدەرٸنە قاراماي كٶمەك قولىن سوزىپ جٷرگەندەردٸ ەشكٸم كٶرمەيدٸ, سەبەبٸ ولاردىڭ ەرلٸگٸ جاڭالىقتاردا كٶرسەتٸلمەيدٸ. بلوگەرلەر كەلٸپ, تەك نەگاتيۆ تٷسٸرەدٸ.
ەكٸمدٸك نەگە جۇمىس ٸستەمەيدٸ, نەگە كٶمەكتەسپەيدٸ دەپ وتىرا بەرگەنشە كٶمەكتەسكەن دۇرىس. وسىندايدا جينالىپ, بٸرلٸگٸمٸزدٸ كٶرسەتۋٸمٸز كەرەك. بٷگٸن بٸر-بٸرٸمٸزگە كٶمەكتەسپەسەك قاشان كٶمەكتەسەمٸز? مۇندا سەبيلەر, اپالار, انالار مەن ەجەلەر ٷيلەرٸندە توڭىپ وتىر. ولارعا كٶمەكتەسەيٸك, كٸمدٸ جۇمىستان شىعارىپ, كٸمدٸ جازالاۋ كەرەكتٸگٸن سوسىن انىقتايمىز", - دەدٸ بلوگەر.
