باتىس قازاقستان وبلىسىندا «قارۋ» جەدەل الدىن الۋ ٸس-شاراسى اياسىندا شارۋا قوجالىعى باسشىسىنان گراناتا, مىلتىق, وق-دەرٸ, پىشاق, قىلىش, سونداي-اق دٸني كٸتاپتار تەركٸلەندٸ, دەپ حابارلايدى "ۇلت اقپارات".
بقو پوليتسييا دەپارتامەنتٸ مەلٸم ەتكەنٸندەي, قازٸرگٸ كەزدە تاسقالا اۋدانىنداعى شارۋا قوجالىعىنىڭ باسشىسى, 1966 جىلعى ا-عا قاتىستى قر قك 287-بابى 3-بٶلٸگٸنە (زاڭسىز قارۋ ساقتاۋ) سەيكەس قىلمىستىق ٸس قوزعالدى.
انىقتالعانىنداي, ا. بۇرىن رەسەي فەدەراتسيياسىنىڭ باس بوستاندىعىنان ايىرۋ ورىندارىندا جازاسىن ٶتەپ, مەرزٸمٸنەن بۇرىن بوساعان. سودان كەيٸن 2016 جىلى قازاقستاندا ۇرلىق جاساعانى ٷشٸن باس بوستاندىعى شەكتەلگەن.
دەپارتامەنت باستىعى, پوليتسييا گەنەرال-مايورى ماحسۇدحان ابلازيموۆتىڭ ايتۋىنشا, كٷنٸ بٷگٸن كٷدٸكتٸ كوۆيد جەنە ەكٸجاقتى پنەۆمونييا دياگنوزىمەن ستاتسيوناردا جاتقاندىقتان, ودان جاۋاپ الۋ, تەرگەۋ يزولياتورىنا اۋىستىرۋ ەزٸرگە مٷمكٸن ەمەس.
«ا-نىڭ تۇرعىلىقتى مەكەنجايىن تٸنتۋ بارىسىندا تٸركەلمەگەن «MAVERIC» مىلتىعى (ۆينچەستەر), 12 كاليبرلٸ مىلتىقتىڭ 11 وق-دەرٸسٸ, 3 پىشاق (قانجار), كالاشنيكوۆ اۆتوماتىنىڭ 1 وق-دەرٸسٸ, مىلتىق تازالايتىن قۇرال تەركٸلەندٸ. سونىمەن قاتار دٸني كٸتاپتار مەن دەپتەر تابىلدى. وعان قوسا ونىڭ شارۋا قوجالىعىن تٸنتۋ كەزٸندە بٸر ەسكەري گراناتا, ماكاروۆ تاپانشاسىنىڭ 16 دانا وق-دەرٸسٸ, كالاشنيكوۆ اۆتوماتىنىڭ 3 دانا وق-دەرٸسٸ, «لوس-7» شولاق مىلتىعى, قىلىش, 6 دانا دٸني كٸتاپ تەركٸلەندٸ», دەدٸ ابلازيموۆ.
ا-عا وسىنشاما قارۋ-جاراقتىڭ نەگە قاجەت بولعانى تەرگەۋ بارىسىندا انىقتالادى.
