Batys Qazaqstan oblysynda «Qarý» jedel aldyn alý is-sharasy aiasynda sharýa qojalyǵy basshysynan granata, myltyq, oq-dári, pyshaq, qylysh, sondai-aq dini kitaptar tárkilendi, dep habarlaidy "Ult aqparat".
BQO politsiia departamenti málim etkenindei, qazirgi kezde Tasqala aýdanyndaǵy sharýa qojalyǵynyń basshysy, 1966 jylǵy A-ǵa qatysty QR QK 287-baby 3-bóligine (zańsyz qarý saqtaý) sáikes qylmystyq is qozǵaldy.
Anyqtalǵanyndai, A. buryn Resei Federatsiiasynyń bas bostandyǵynan aiyrý oryndarynda jazasyn ótep, merziminen buryn bosaǵan. Sodan keiin 2016 jyly Qazaqstanda urlyq jasaǵany úshin bas bostandyǵy shektelgen.
Departament bastyǵy, politsiia general-maiory Mahsudhan Ablazimovtyń aitýynsha, kúni búgin kúdikti kovid jáne ekijaqty pnevmoniia diagnozymen statsionarda jatqandyqtan, odan jaýap alý, tergeý izoliatoryna aýystyrý ázirge múmkin emes.
«A-nyń turǵylyqty mekenjaiyn tintý barysynda tirkelmegen «MAVERIC» myltyǵy (vinchester), 12 kalibrli myltyqtyń 11 oq-dárisi, 3 pyshaq (qanjar), Kalashnikov avtomatynyń 1 oq-dárisi, myltyq tazalaityn qural tárkilendi. Sonymen qatar dini kitaptar men dápter tabyldy. Oǵan qosa onyń sharýa qojalyǵyn tintý kezinde bir áskeri granata, Makarov tapanshasynyń 16 dana oq-dárisi, Kalashnikov avtomatynyń 3 dana oq-dárisi, «LOS-7» sholaq myltyǵy, qylysh, 6 dana dini kitap tárkilendi», dedi Ablazimov.
A-ǵa osynshama qarý-jaraqtyń nege qajet bolǵany tergeý barysynda anyqtalady.
