باتىس قازاقستان وبلىسىنىڭ رەسەيمەن شەكارالاس اۋداندارىندا ۆيرۋس جۇقتىرۋ كٶرسەتكٸشٸ ارتقان. بۇل تۋرالى وبلىس ەكٸمٸ عالي ەسقاليەۆ ٷكٸمەت وتىرىسىندا مەلٸم ەتتٸ, دەپ حابارلايدى "ۇلت اقپارات".
«سوڭعى اپتادا 585 جاڭا جاعداي انىقتالدى نەمەسە 18 پايىزعا ٶسٸم بار. ناۋقاسقا شالدىققانداردى بارىنشا انىقتاۋ ٷشٸن وبلىستاعى 13 زەرتحانادا تەۋلٸگٸنە 2 مىڭعا جۋىق پتر-زەرتتەۋ جٷرگٸزٸلەدٸ. ينفەكتسييامەن اۋىرعاندار كٶپ تٸركەلگەن اۋداندار رەسەيدٸڭ 5 ٶڭٸرٸمەن شەكارالاس. رەسەي شەكاراسى ارقىلى كٷن سايىن 2,5 مىڭنان استام ادام ٶتەدٸ. اعىمداعى ەپيدەميولوگييالىق جاعدايعا بايلانىستى وبلىستىڭ باس سانيتار دەرٸگەرٸنٸڭ قاۋلىسىمەن ادامدار كٶپ جينالاتىن شارالار ٶتكٸزۋگە تىيىم سالىندى», - دەدٸ ٶڭٸر باسشىسى.
ەكٸمنٸڭ ايتۋىنشا, Ahyq قوسىمشاسى بويىنشا جۇمىس ٸستەيتٸن كەسٸپكەرلٸك نىسانداردىڭ ٸشٸندە ەرەجەنٸ ساقتامايتىندارى بار.
«Ahyq موبيلدٸك قوسىمشاسى بويىنشا 550-دەن استام كەسٸپكەرلٸك سۋبەكتٸسٸ جۇمىس ٸستەيدٸ. ەرەجە تالاپتارىن ساقتاماعانى ٷشٸن 35 نىسان جوبادان شەتتەتٸلدٸ. قوسىمشا ارقىلى وقشاۋلانۋعا تيٸس 147 كەلۋشٸ انىقتالدى. سانيتارلىق-ەپيدەميولوگييالىق جاعدايدى جاقسارتۋ ٷشٸن تۇرعىنداردى ۆاكتسينالاۋ بەلسەندٸ جٷرگٸزٸلٸپ جاتىر. دەنساۋلىق ساقتاۋ مينيسترلٸگٸنٸڭ جوسپارى بويىنشا اپتا سايىن 20 مىڭنان استام ادامدى قامتۋ ارقىلى بٸلٸم بەرۋ نىساندارى جەنە مەملەكەتتٸك ورگاندار بويىنشا ۆاكينالاۋدىڭ قىسقا مەرزٸمدٸ جوسپارى جاساقتالدى. كٷن سايىن ۆاكتسينالاۋدىڭ 47 پۋنكتٸ جۇمىس ٸستەيدٸ. ۇجىمداردا ۆاكتسينالاۋ جٷرگٸزۋ ٷشٸن مەديتسنالىق بريگادالار شىعارىلدى», - دەدٸ عالي ەسقاليەۆ.
وبلىس باسشىسى سوڭعى بٸر اپتادا ۆاكتسينالاۋ قارقىنى كٷرت ارتقانىن اتادى.
«بٷگٸندە كەلٸپ تٷسكەن 269 مىڭ دوزا ۆاكتسينانى 90 مىڭ ادام بٸرٸنشٸ كومپونەنت بويىنشا, 60 مىڭ ادام ەكٸنشٸ كومپونەنت بويىنشا پايدالاندى. ماۋسىم ايىنان باستاپ ۆاكتسينالاۋ قارقىندى جٷرۋدە. سوڭعى اپتادا ٶسٸم ٶتكەن اپتامەن سالىستىرعاندا 87 پايىزعا ۇلعايتىلدى. 5 شٸلدەگە دەيٸن تاعى 21 مىڭ ادام ۆاكتسيناتسييامەن قامتىلادى», - دەدٸ ەكٸم.
