Batys Qazaqstan oblysynyń Reseimen shekaralas aýdandarynda virýs juqtyrý kórsetkishi artqan. Bul týraly oblys ákimi Ǵali Esqaliev Úkimet otyrysynda málim etti, dep habarlaidy "Ult aqparat".
«Sońǵy aptada 585 jańa jaǵdai anyqtaldy nemese 18 paiyzǵa ósim bar. Naýqasqa shaldyqqandardy barynsha anyqtaý úshin oblystaǵy 13 zerthanada táýligine 2 myńǵa jýyq PTR-zertteý júrgiziledi. Infektsiiamen aýyrǵandar kóp tirkelgen aýdandar Reseidiń 5 óńirimen shekaralas. Resei shekarasy arqyly kún saiyn 2,5 myńnan astam adam ótedi. Aǵymdaǵy epidemiologiialyq jaǵdaiǵa bailanysty oblystyń bas sanitar dárigeriniń qaýlysymen adamdar kóp jinalatyn sharalar ótkizýge tyiym salyndy», - dedi óńir basshysy.
Ákimniń aitýynsha, Ahyq qosymshasy boiynsha jumys isteitin kásipkerlik nysandardyń ishinde erejeni saqtamaityndary bar.
«Ahyq mobildik qosymshasy boiynsha 550-den astam kásipkerlik sýbektisi jumys isteidi. Ereje talaptaryn saqtamaǵany úshin 35 nysan jobadan shettetildi. Qosymsha arqyly oqshaýlanýǵa tiis 147 kelýshi anyqtaldy. Sanitarlyq-epidemiologiialyq jaǵdaidy jaqsartý úshin turǵyndardy vaktsinalaý belsendi júrgizilip jatyr. Densaýlyq saqtaý ministrliginiń jospary boiynsha apta saiyn 20 myńnan astam adamdy qamtý arqyly bilim berý nysandary jáne memlekettik organdar boiynsha vakinalaýdyń qysqa merzimdi jospary jasaqtaldy. Kún saiyn vaktsinalaýdyń 47 pýnkti jumys isteidi. Ujymdarda vaktsinalaý júrgizý úshin meditsnalyq brigadalar shyǵaryldy», - dedi Ǵali Esqaliev.
Oblys basshysy sońǵy bir aptada vaktsinalaý qarqyny kúrt artqanyn atady.
«Búginde kelip túsken 269 myń doza vaktsinany 90 myń adam birinshi komponent boiynsha, 60 myń adam ekinshi komponent boiynsha paidalandy. Maýsym aiynan bastap vaktsinalaý qarqyndy júrýde. Sońǵy aptada ósim ótken aptamen salystyrǵanda 87 paiyzǵa ulǵaityldy. 5 shildege deiin taǵy 21 myń adam vaktsinatsiiamen qamtylady», - dedi ákim.
