باتىس قازاقستان وبلىسى ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسى كيٸكتەر سانىنىڭ ارتۋىنان حالىقتىڭ شارۋاشىلىقتارىنا كەلٸپ جاتقان زييانعا قاتىستى شاعىمدارعا جاۋاپ بەردٸ, دەپ حابارلايدى قازاقپارات تٸلشٸسٸ.
بقو ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنىڭ باسشىسى قايرات قادەشەۆتٸڭ ايتۋىنشا, ٶتكەن جىلى ٶڭٸردە 135 مىڭ كيٸك ساناققا ٸلٸكسە, بيىل شامامەن 200 مىڭعا جۋىقتادى. ونىڭ ناقتى سانى الداعى شٸلدە ايىندا انىقتالادى.
ٶتكەن مامىر ايىندا كيٸكتەر جاپپاي تٶلدەپ بولدى.
وسى رەتتە, ق.قادەشەۆ جەكەلەگەن بۇقارالىق اقپارات قۇرالدارىندا جارييالانعان قىزىل كٸتاپقا ەنگەن اتالمىش جانۋارلاردىڭ شارۋاشىلىق جەرلەرگە زاردابىن تيگٸزٸپ جاتقانى تۋرالى حابارلارعا تٷسٸنٸك بەردٸ.
«بٸز كيٸكتەر شوعىرلانعان قازتالوۆ جەنە جەنٸبەك اۋداندارىندا بولىپ كەلدٸك. مىسالى, جەنٸبەك اۋدانىنداعى تالوۆ پەن بورسى اۋىلدارىنىڭ ارالىعىندا 60 مىڭداي كيٸك بار. ەرينە, تۇرعىندار تاراپىنان كيٸكتەر جەردٸ تاپتاپ تاستادى دەگەن پٸكٸرلەر بۇرىننان ايتىلىپ جٷر. بۇعان ايتارىم, ەركٸم ٶزٸنٸڭ جەرٸنە مۇقييات بولۋى كەرەك. قورشاپ السىن, يە بولماسا قورىقشى ۇستاسىن. باسقالاي ەزٸر ەشتەڭە ٸستەي المايمىز», - دەدٸ قايرات قادەشەۆ.
قازٸرگٸ تاڭدا كيٸكتەر نەگٸزٸنەن سۋدىڭ قاسىندا, مالمەن بٸرگە دە جايىلادى. باعۋسىز جٷرگەن مال دا از ەمەس. ەكٸنشٸدەن, كيٸكتەر الاسا ٶسكەن شٶپتٸ جەيدٸ, شابىندىققا زييانىن تيگٸزەدٸ دەپ ايتۋ قيىن ەرٸ ولار ادام جٷرەتٸن جەرگە جاقىندامايدى.
كيٸك مەملەكەت تاراپىنان قورعالاتىندىقتان, ونى «وحوتزووپروم» ٶب» رمقك-نىڭ ينسپەكتورلارى كٶزدەن تاسا قىلمايدى. قازٸرگٸ تاڭدا قىرىق شاقتى ينسپەكتور تٶرت توپقا بٶلٸنٸپ, 8 اۆتوكٶلٸكپەن باقىلاپ جٷر.
مامانداردىڭ ايتۋىنشا, كيٸكتەر كٷزگە قاراي بٶكەي ورداسى, جاڭاقالا اۋداندارىنا قاراي اۋادى. ەركٸن جٷرەتٸن جانۋاردى بٸر جەردە تٸزگٸندەپ ۇستاۋ مٷمكٸن ەمەس.
«مەسەلەنٸڭ تاعى بٸر جاعى بار. ول - بٶكەيوردا رەزەرۆاتىن قۇرۋدى تەزدەتۋ. سوندا رەزەرۆات قورشالىپ, كيٸكتەر سونىڭ ٸشٸندە جٷرەر ەدٸ», - ق.قادەشەۆ.
