باتىس قازاقستان وبلىسىندا 1123 تٶسەكتٸك 18 ينفەكتسييالىق ستاتسيوناردا 439 ادام ەمدەلٸپ جاتىر, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ارمان قاليبەكوۆ مەلٸم ەتكەندەي, سونىڭ ٸشٸندە 29 ناۋقاس جانساقتاۋ بٶلٸمٸندە جاتىر.
بۇلاردىڭ ەكەۋٸ 50-گە دەيٸنگٸلەر بولسا, جەتەۋٸ - 50-60, 12-سٸ - 60-80 جاس ارالىعىنداعىلار, 8-ٸ - سەكسەننەن اسقاندار.
ارمان تالعاتۇلىنىڭ سٶزٸنە قاراعاندا, 25 ناۋقاستىڭ سوزىلمالى دەرتٸ بار. سونىڭ ٸشٸندە 22-سٸ جٷرەك-قان تامىرلارى اۋرۋلارى, ٷشەۋٸ قانت ديابەتٸنە شالدىققان.
«بيىل جىل باسىنان بەرٸ كوروناۆيرۋستان 155, سونىڭ ٸشٸندە قاڭتاردا - 28, اقپاندا - 15, ناۋرىزدا - 30, سەۋٸردە 42, مامىردا قازٸردٸڭ ٶزٸندە 40 ناۋقاس دٷنيەدەن وزدى. بۇل سوڭعى ٷش ايدا قايتقانداردىڭ سانى كٶبەيٸپ وتىرعانىن كٶرسەتەدٸ. ولاردىڭ 82-سٸ ەيەلدەر بولسا, 73-ٸ - ەر ادامدار. مارقۇمداردىڭ 93,2 پايىزىندا (138) سوزىلمالى دەرتٸ, اتاپ ايتقاندا, 70 پايىزىنىڭ جٷرەك-قان تامىرلارى اۋرۋلارى, 12 پايىزىندا قانت ديابەتٸ, 18 پايىزىندا باسقا سىرقاتى بولعان. سوندىقتان تۇرعىنداردان كارانتيندٸك شارالاردى بۇلجىتپاي ساقتاپ, ٸندەتكە قارسى ەگٸلۋ قاجەتتٸگٸن ەسكە سالامىز», دەدٸ ا.قاليبەكوۆ.
باتىس قازاقستان وبلىسىندا 65546 ادام ۆاكتسينانىڭ بٸرٸنشٸ, 27773-ٸ ەكٸنشٸ كومپونەنتٸمەن ەگٸلدٸ.
