Batys Qazaqstan oblysynda 1123 tósektik 18 infektsiialyq statsionarda 439 adam emdelip jatyr, dep habarlaidy "Ult aqparat".
BQO densaýlyq saqtaý basqarmasy basshysynyń mindetin atqarýshy Arman Qalibekov málim etkendei, sonyń ishinde 29 naýqas jansaqtaý bóliminde jatyr.
Bulardyń ekeýi 50-ge deiingiler bolsa, jeteýi - 50-60, 12-si - 60-80 jas aralyǵyndaǵylar, 8-i - seksennen asqandar.
Arman Talǵatulynyń sózine qaraǵanda, 25 naýqastyń sozylmaly derti bar. Sonyń ishinde 22-si júrek-qan tamyrlary aýrýlary, úsheýi qant diabetine shaldyqqan.
«Biyl jyl basynan beri koronavirýstan 155, sonyń ishinde qańtarda - 28, aqpanda - 15, naýryzda - 30, sáýirde 42, mamyrda qazirdiń ózinde 40 naýqas dúnieden ozdy. Bul sońǵy úsh aida qaitqandardyń sany kóbeiip otyrǵanyn kórsetedi. Olardyń 82-si áielder bolsa, 73-i - er adamdar. Marqumdardyń 93,2 paiyzynda (138) sozylmaly derti, atap aitqanda, 70 paiyzynyń júrek-qan tamyrlary aýrýlary, 12 paiyzynda qant diabeti, 18 paiyzynda basqa syrqaty bolǵan. Sondyqtan turǵyndardan karantindik sharalardy buljytpai saqtap, indetke qarsy egilý qajettigin eske salamyz», dedi A.Qalibekov.
Batys Qazaqstan oblysynda 65546 adam vaktsinanyń birinshi, 27773-i ekinshi komponentimen egildi.
