بقو دەنساۋلىق ساقتاۋ باسقارماسىنىڭ بۇرىنعى باسشىسى پارا العانى ٷشٸن سوتتالدى

بقو دەنساۋلىق ساقتاۋ باسقارماسىنىڭ بۇرىنعى باسشىسى بولاتبەك قايۋپوۆقا ٷكٸم شىقتى, دەپ حابارلايدى "ۇلت اقپارات".

بقو سوتىنىڭ باسپاسٶز قىزمەتٸ مەلٸم ەتكەندەي, ورال قالالىق سوتىنىڭ ٷكٸمٸمەن ب.قايۋپوۆ پارا العانى ٷشٸن (قر قك 366-بابى 2-بٶلٸگٸ), سونداي-اق سەرٸك تۇراليەۆ پەن ايدوس سەبەپوۆ پارا الۋدا دەلدالدىق جاساعانى ٷشٸن (قك 28-بابى 5-بٶلٸگٸ, 366-بابى 2-بٶلٸگٸ) ايىپتى دەپ تانىلدى.

سوت ٷكٸمٸمەن ب.قايۋپوۆ - 4 جىل 6 اي, سەرٸك تۇراليەۆ پەن ايدوس سەبەپوۆ ەرقايسىسى 3 جىل مەرزٸمگە باس بوستاندىعىنان ايىرىلدى. 

ولار جازاسىن قاۋٸپسٸزدٸگٸ بارىنشا تٶمەن قىلمىستىق-اتقارۋ جٷيەسٸ مەكەمەسٸندە ٶتەيدٸ.

وعان قوسا ب.قايۋپوۆ مەملەكەتتٸك قىزمەت اتقارۋ قۇقىعىنان ٶمٸر بويىنا ايىرىلدى.

سوت ب.قايۋپوۆتىڭ ٶزٸنٸڭ قىزمەتكەرٸ ا.سەبەپوۆ پەن تانىسى س.تۇراليەۆ ارقىلى جشس ديرەكتورىنان جالپى سوماسى 78 284 880 تەڭگەگە مەديتسينالىق جابدىق جەتكٸزۋگە مەملەكەتتٸك ساتىپ الۋ تۋرالى شارتقا كەدەرگٸسٸز قول قويعانى ٷشٸن 7,8 ملن تەڭگە پارا العانىن, ورىندالعان جۇمىستار اكتٸسٸ مەن جابدىقتى قابىلداپ العانىن انىقتادى.

سوتقا دەيٸنگٸ تەرگەۋ بارىسىندا ب.قايۋپوۆتان 330 مىڭ تەڭگە, ا.سەبەپوۆتان 1 ملن 60 مىڭ تەڭگە, س.تۇراليەۆتان 4,3 ملن تەڭگە تەركٸلەندٸ. 

سوت تالقىلاۋى بارىسىندا ب.قايۋپوۆ 1 ملن 670 مىڭ تەڭگە, س.تۇراليەۆ 440 مىڭ تەڭگەنٸ قايتاردى.

سوت ٷكٸمٸ زاڭدى كٷشٸنە ەنگەن جوق.