باتىس قازاقستان وبلىسىندا بولعان جول اپاتىنان كەيٸن ەكٸ ايلىق سەبي دە كٶز جۇمدى, دەپ حابارلايدى "ۇلت اقپارات".
بۇدان بۇرىن حابارلاعانداي, جاڭاقالا اۋدانىندا بولعان جول اپاتىندا 4 ادام قازا تاپقان بولاتىن.
بقو دەنساۋلىق ساقتاۋ باسقارماسىنىڭ باسپاسٶز حاتشىسى ايناگٷل ساقپوسىنوۆانىڭ ناقتىلاعانىنداي, جول اپاتىنان بارلىعى 13 ادام زارداپ شەكتٸ.
«سولاردىڭ جەتەۋٸ – بالالار. 71 جاستاعى ەيەل ادام وقيعا ورنىندا دٷنيەدەن وزدى. 12-سٸ اۋداندىق اۋرۋحاناعا جەتكٸزٸلگەنٸمەن, العان جاراقاتتارى سالدارىنان 7 جاسار بالا, 34 جاستاعى ەر ادام مەن 26 جاستاعى ەيەل قابىلداۋ بٶلٸمٸندە قايتىس بولدى. قالادان كەلگەن ساناۆياتسييا دەرٸگەرلەرٸ ەكٸ ايلىق سەبيدٸڭ باس ميىنا وتا جاسادى. الايدا ول وتادان كەيٸن كٶز جۇمدى. 3 ناۋقاس, سونىڭ ٸشٸندە 1 بالا اقجايىق اۋداندىق ورتالىق اۋرۋحاناسىنا, 2 بالا وبلىستىق كٶپبەيٸندٸ بالالار اۋرۋحاناسىنا جٸبەرٸلدٸ. قازٸرگٸ تاڭدا جاڭاقالا اۋداندىق اۋرۋحاناسىندا 17 جاسار قىز بالا, ەكٸ ەرەسەك ادام ەم الۋدا. ولاردىڭ جاعدايى ورتاشا اۋىر, تۇراقتى», دەدٸ ساقپوسىنوۆا.
كۋەگەرلەردٸڭ سٶزٸنە قاراعاندا, كٶز جۇمعان ادامدار - قازتالوۆ اۋدانى قاراسۋ اۋىلىنىڭ تۇرعىندارى.
