Batys Qazaqstan oblysynda bolǵan jol apatynan keiin eki ailyq sábi de kóz jumdy, dep habarlaidy "Ult aqparat".
Budan buryn habarlaǵandai, Jańaqala aýdanynda bolǵan jol apatynda 4 adam qaza tapqan bolatyn.
BQO densaýlyq saqtaý basqarmasynyń baspasóz hatshysy Ainagúl Saqposynovanyń naqtylaǵanyndai, jol apatynan barlyǵy 13 adam zardap shekti.
«Solardyń jeteýi – balalar. 71 jastaǵy áiel adam oqiǵa ornynda dúnieden ozdy. 12-si aýdandyq aýrýhanaǵa jetkizilgenimen, alǵan jaraqattary saldarynan 7 jasar bala, 34 jastaǵy er adam men 26 jastaǵy áiel qabyldaý bóliminde qaitys boldy. Qaladan kelgen sanaviatsiia dárigerleri eki ailyq sábidiń bas miyna ota jasady. Alaida ol otadan keiin kóz jumdy. 3 naýqas, sonyń ishinde 1 bala Aqjaiyq aýdandyq ortalyq aýrýhanasyna, 2 bala oblystyq kópbeiindi balalar aýrýhanasyna jiberildi. Qazirgi tańda Jańaqala aýdandyq aýrýhanasynda 17 jasar qyz bala, eki eresek adam em alýda. Olardyń jaǵdaiy ortasha aýyr, turaqty», dedi Saqposynova.
Kýágerlerdiń sózine qaraǵanda, kóz jumǵan adamdar - Qaztalov aýdany Qarasý aýylynyń turǵyndary.
